Маңғыстау тұрғыны анасын ұрып-соғып, өлтіріп қойды

АҚТАУ. ҚазАқпарат - Маңғыстау облысында ер адам жанжал кезінде өзінің туған анасын соққыға жықты. Егде жастағы әйел алған жарақатынан қаза тапты, деп хабарлайды ҚазАқпарат Lada.kz сілтеме жасап.

«Аталған дерек Бейнеу аудандық ІІБ сотқа дейінгі тергеулер реестрінде ҚР Қылмыстық кодексінің 99-бабы бойынша тіркелген. Күдікті тергеу изоляторына қамалды. Тергеу құпиялығына байланысты басқа мәліметтер жария етілмейді», - деді Маңғыстау ІІД баспасөз қызметіндегілер.

Маңғыстау тұрғыны Қылмыстық кодекстің талаптарына сәйкес 8 жылдан 15 жылға дейін бас бостандығынан айрылуы мүмкін.