USD 434.84 EUR 498.2
RUB 5.72 CNY 68.47
Jańalyqtar

Маңғыстау өңірінің туристік әлеуеті дамытылмақ

2021 жылғы 27 қараша 22:28
Бөлісіңіз:
Маңғыстау өңірінің туристік әлеуеті дамытылмақ

НҰР-СҰЛТАН. ҚазАқпарат – Маңғыстау өңірінде құны 300 млрд теңгеден асатын 13 туристік жоба іске асырылады. Бұл жайында Сенат депутаттарының сауалына ҚР Премьер-Министрі Асқар Маминнің жауабында айтылған, деп хабарлайды ҚазАқпарат тілшісі.

Ұқсас жаңалықтар
Бірде-бір турист қараусыз қалмайды – Корпоративтік қор

«Қазіргі уақытта ҚР Тұңғыш Президенті – Елбасы Нұрсұлтан Назарбаевтың 2018 жылғы 12 тамыздағы Маңғыстау облысына сапары барысында берген тапсырмасына сәйкес Каспий теңізінің жағалауы бойынша Ақтау қаласынан Құрық портына дейінгі курорттық аймақты дамыту үшін бірқатар инфрақұрылымдық жобалар, оның ішінде электрмен, сумен, газбен жабдықтау және автожолдарды салу және реконструкциялау бойынша бірқатар инфрақұрылымдық жобалар іске асырылуда», - деді Асқар Мамин жауабында.

Үкімет басшысының атап өтуінше, Қазақстан Республикасының туризм саласын дамытудың 2019-2025 жылдарға арналған мемлекеттік бағдарламасы аясында Маңғыстау облысы республиканың перспективалы туристік аймақтарының ТОП-10 қатарына кірді.

«2020 жылы Маңғыстау облысының орналастыру орындары 160 мың адамды қабылдады. Туризм саласына 71,8 млрд теңге инвестиция тартылды (2019 жылмен салыстырғанда 3,1 есе өсті) және 4,3 млрд теңгеге орналастыру орындары қызмет көрсетті. Жалпы, өңірдегі туризм саласы бойынша 2021-2025 жылдар кезеңінде сомасы 300 млрд теңгеден асатын 13 жобаны іске асыру жоспарланған», - деді Премьер-Министр.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT