+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Маңғыстау облысына Ираннан 53 қандасымыз көшіп келді

2021 жылғы 15 қыркүйек 16:12
Бөлісіңіз:
Маңғыстау облысына Ираннан 53 қандасымыз көшіп келді

АҚТАУ. ҚазАқпарат - Маңғыстау облысына Иран Ислам Республикасынан 53 қандасымыз келді, деп хабарлайды ҚазАқпарат тілшісі.

Ұқсас жаңалықтар
Самурайлардың қорғанысын тас-талқан еткен Ікей батыр туралы не білеміз? - Шетелдегі қазақ тілді БАҚ-қа шолу Ауғанстаннан келген қандастардың ешқайсынан коронавирус табылған жоқ

«Иран Ислам Республикасының Горган қаласынан 53 адам Қазақстанға қоныс аударды. Олар Ақтау қаласында 2-3 күн аялдап, құжаттарын реттейді. Құжаттарын реттеу жұмыстары аяқталғаннан соң Нұр-Сұлтан қаласына аттанады. Кейін көші-қон бағдарламасы арқылы Солтүстік Қазақстан өңіріне қоныстанады»,-деді Ақтау қаласы әкімінің орынбасары Әбілқайыр Байпақов қоғамдық коммуникация орталығы.

Айта кетейік, өңірге келген 53 адамның 25-і бала, барлығы 20 отбасы атамекенге оралды. Тарихи Отанына келгендердің бірі Хадиша Адай. Атамекенді аңсап, егемен еліне келген ол қуанышын жеткізіп, жылы лебізімен бөлісті.

«Мен Түркіменстанда тудым. Дегенмен жұмыс бабы бойынша Божнурд қаласында 22 жыл тұрдым. Туған әпкем, қызым, туыстарыммен бірге атамекенге келіп жатырмыз. Өте қуаныштымыз. Барлығы да жат адамдар емес ағайындар. Ыстық ықыласпен қабылдағандарыңызға өте ризамыз», - деді Хадиша Адай.

Бұл көш ҚР Сыртқы істер министрлігі, ҚР Ирандағы Елшілігі мен «Отандастар қоры» КЕАҚ Маңғыстау және Солтүстік Қазақстан облысы әкімдігінің қолдауымен ұйымдастырылды.


Біздің каналымызға жазылыңыз:

Бөлісіңіз:

Автор:

Қаракөз Марат

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT