+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Маңғыстау облысы әкімдігі құрғақшылықтан зардап шеккендер үшін құрылған қор қаржысына есеп береді

2021 жылғы 22 қыркүйек 13:11
Бөлісіңіз:
Маңғыстау облысы әкімдігі құрғақшылықтан зардап шеккендер үшін құрылған қор қаржысына есеп береді

АҚТАУ. ҚазАқпарат - Маңғыстау облысының әкімдігі құрғақшылықтан зардап шеккендерге көмек көрсету үшін құрылған қордың қаржысына есеп береді, деп хабарлайды ҚазАқпарат тілшісі.

Ұқсас жаңалықтар
Маңғыстау атом энергетикалық комбинатында вакцина алмаған 7 адам ғана жұмыстан шеттетілді Мал шаруашылығында қиындықтар неден туындады – Маңғыстау әкімі орынбасарының пікірі Маңғыстауда көлік апатынан бір адам мерт болды

9 тамызда Маңғыстау облысында қуаңшылықтан зардап шеккен шаруаларға көмек көрсету мақсатында қайырымдылық қор ашылды. «Казимпекс-Ақтау» қорына ауыл шаруашылығы министрлігі мен Маңғыстау облысы әкімдігінің қызметкерлері, сондай-ақ еліміздің жанашыр азаматтары ақша аударды.

Жиналған қаржы орынсыз жұмсалмау мақсатында аймақ басшысы қордың шығыны бойынша халыққа ақпарат беруді тапсырды.

Бүгінгі күні қор жанынан бес адамнан тұратын қамқоршылық кеңес құрылды. Оның құрамына төмендегі азаматтар кірді:

Қамқоршылық кеңес төрағасы - Ғалымжан Ниязов, Маңғыстау облысы әкімінің орынбасары.

Кеңес мүшелері - Жармағамбет Айтуаров, Маңғыстау облысы әкімінің кеңесшісі; Серік Қалдығул, Маңғыстау облысы ауыл шаруашылығы басқармасының басшысы; Римма Өтесбаева, Маңғыстау облысы мәслихатының депутаты; Дайрабай Үсіпбаев, «Казимпэкс-Ақтау» қорының басшысы.

Қайырымдылық қорына барлығы 43 089 300 теңге жиналды. Оның ішінен Батыс Қазақстан, Атырау мен Алматы облыстарынан 24 вагонын шөп жеткізу үшін 2 256 810 теңге жол ақысы төленді.

Қалған қор қаржысына қыс бойына өзге өңірлерден жем алдырып, шаруаларға нарық бағасынан 20% төмен бағамен сату жоспарланып отыр. Бұл өз кезегінде жем бағасын тұрақтандыруға және тұрғындарға қолжетімді бағамен сатып алуға мүмкіндік береді.

Осы механизм бойынша Қостанай облысынан 290 тонна кебек сатып алынып, 27 144 000 теңге жұмсалды. Қостанайда бір келі кебек құны - 83 теңге тұрады. Оған темір жол ақысын қосқанда Маңғыстауға 94 теңгемен жеткізіледі. Бүгінгі таңда Маңғыстау облысында жалпы сатылымдағы 1 келі кебектің орташа бағасы 110 теңге.

Шаруалардан жиналған қаражат қайтадан жем-шөп сатып алуға жұмсалады. Жеткізілген мал азығы қайта 20% жеңілдікпен сатылады. Бұл механизм қордағы қаржы аяқталғанға дейін жалғаса береді. Осылайша қор қаржысы 20%-дан кеми отырып, қыс бойы тұрғындарға арзан бағамен жем алуға мүмкіндік береді.

Бүгінгі күні қорда 13 688 490 теңге қалды. Бұл сома жаңадан жем-шөп сатып алған сайын 20% -ға кеміп отырады.


Біздің каналымызға жазылыңыз:

Бөлісіңіз:

Автор:

Қаракөз Марат

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT