Маңғыстау мектептеріне жаңа оқу жылында 300-ге жуық жас мұғалім келеді
2022 жылғы 9 тамыз 21:48

Маңғыстау мектептеріне жаңа оқу жылында 300-ге жуық жас мұғалім келеді

АҚТАУ. ҚазАқпарат - Маңғыстауда 1-сыныпқа қабылдауға 20 мыңға жуық өтініш түскен. Бұл туралы облыстық қоғамдық коммуникация орталығында өткен брифингте облыстық білім басқармасы басшысының орынбасары Гүлмира Мамаева мәлім етті.

Спикердің айтуынша, биыл мектептердің бірінші сыныбына 19530 оқушы қабылдау жоспарланған.

- 8 тамыздағы жағдайына ата-аналардан 19 660 өтініш қабылданды. Жалпы оқушы контингенті былтырмен салыстырғанда 8 мың оқушыға артып, 175 мың оқушыны құрайды деп болжанды,-деді Г. Мамаева.

Жалпы, Гүлмира Қасымқызы 2022-2023 жаңа оқу жылына дайындық барысы туралы баяндады.

Оның айтуынша, биыл 300-ге жуық жас маман келеді.

Оған қоса, ҚР Оқу-ағарту министрлігінің Маңғыстау облысына үздік педагогтартарды тартуға арналған бағдарламасына сәйкес үздік мұғалімдер келмек.

Өңір бойынша күндізгі мемлекеттік мектептерде 15 мыңнан астам мұғалім жұмыс жасап жүр.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT