Мамыр айында Мәскеу-Көкшетау-Мәскеу әуе рейсі ашылады

КӨКШЕТАУ. ҚазАқпарат - Ағымдағы жылдың мамыр айының ортасында Мәскеу-Көкшетау-Мәскеу бағытындағы әуе рейсі ашылады, деп хабарлайды ҚазАқпарат тілшісі Ақмола облысы әкімінің орынбасары Марат Иғалиевке сілтеме жасап.

"Әзірге, рейсті аптасына бір рет (жексенбі күні), кейін екі рет (сәрсенбі, жексенб күндері) Мәскеудің Жуковский әуежайы арқылы ұйымдастыру жоспарланып отыр.

Рейсті Иркутскінің "ИрАэро" әуекомпаниясы 98 жолаушыға арналған Sukhoi Superjet 100 ұшағы арқылы жүзеге асыратын болады", деп жазды Марат Иғалиев әлеуметтік желідегі парақшасында.