+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

МӘМС:  Қазақстандықтар 1 сәуірге дейін өз мәртебесін анықтауы тиіс

2020 жылғы 26 ақпан 18:29
Бөлісіңіз:
МӘМС:  Қазақстандықтар 1 сәуірге дейін өз мәртебесін анықтауы тиіс

АЛМАТЫ. ҚазАқпарат – Қазақстандықтар 1 сәуірге дейін міндетті әлеуметтік медициналық сақтандыру (МӘМС) жүйесіндегі өз мәртебесін анықтауы тиіс. Бұл туралы Өңірлік коммуникациялар қызметінде өткен баспасөз мәслихатында қалалық Қоғамдық денсаулық сақтау басқармасының басшысы Тілеухан Әбілдаев айтты, деп хабарлайды ҚазАқпарат тілшісі.

«Осы уақытқа дейін елдегі барлық тұрғындар МӘМС аясында мәртебесіне қарамастан медициналық көмек ала алатын. Ал 1 сәуірден бастап бұл қызметті толық көлемде алу үшін сақтандыру жасау керек», - деді Т.Әбілдаев.

Брифинг барысында Алматыда 48 мың адам өзін-өзі жұмыспен қамтып отырғаны айтылды. Бұл санат үшін медициналық сақтандырудың 2 түрі қарастырылған.

«Бүгінде олар ең төменгі жалақының 5 пайызын (2125 теңге айына) төлесе болады. Немесе бірыңғай жинақтық төлем аударса жеткілікті. Яғни ол қала тұрғындарына 1 АЕК-ті (2651 теңге) құраса, ауыл тұрғындары үшін 0,5 АЕК (1326 теңге)», — деді ол.


Қазақстандықтар МӘМС салымын «Қазпошта» АҚ бөлімшелері, 25 екінші деңгейлі банк және 7 интернет-банкинг порталы арқылы төлей алады.

Тұтынушылар медициналық мекемеге бармас бұрын өз мәртебесін e-gov порталындағы Telegram-боттың көмегімен немесе ҚР Денсаулық сақтау министрлігі мен Әлеуметтік медициналық сақтандыру қорының ресми сайттарындағы сілтемелерге өту арқылы біле алады.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT