+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Малайзия ғалымының зерттеуі әл-Фарабиді әлемге танытуға үлкен үлес қосты

2020 жылғы 25 қараша 12:57
Бөлісіңіз:
Малайзия ғалымының зерттеуі әл-Фарабиді әлемге танытуға үлкен үлес қосты

КУАЛА-ЛУМПУР. ҚазАқпарат - Ұлы ғалым және ойшыл Әбу Насыр әл-Фарабидің 1 150 жылдығы қарсаңында Куала-Лумпурдағы Қазақстан Елшілігі Қазақ ұлттық университеті және Малайзия халықаралық ислам университетімен бірлесе ұйымдастырған бейнеконференцияда малайзиялық ғалым Осман Бакардың «Әл-Фараби: өмірі, ойлары және маңызы» атты кітабы бойынша пікір алмасу өтті, деп хабарлайды ҚазАқпарат ҚР СІМ баспасөз қызметіне сілтеме жасап.

Ұқсас жаңалықтар

Форумға 233 адам, оның ішінде ғалымдар мен зерттеушілер, Ислам мәдениеті философиясы мен тарихы саласының мамандары, оқытушылар, студенттер мен қоғам қайраткерлері қатысты.

Шарада Малайзиядағы Қазақстан Елшісі Болат Иманбаев, әл-Фараби атындағы ҚазҰУ-дың бірінші проректоры Мұхамбетқали Бүркітбаев және Малайзия халықаралық Ислам университетінің проректоры Ахмад Фариз Исмаил іс-шараның екіжақты ғылыми және мәдени алмасуды нығайтудағы маңыздылығын атап өтті.

Баяндамаларды аталған кешенді зерттеудің авторы – Малайзия халықаралық Ислам университеті жанындағы «Әл-Ғазали» Исламдық ой және өркениеті халықаралық институтының профессоры Осман Бакар, ҚазҰУ философия және саясаттану факультетінің деканы Әлия Масалимова және «Утара Малайзия» университетінің профессоры Хазим Шах Мурад жасады.

Спикерлер О. Бакардың кітабы Малайзияда және бүкіл әлемде әл-Фараби мұрасын зерттеуге және танытуға үлкен үлес қосқанын атап өтті. Аталған кітапта Ұлы дала тумасының философия мен исламдық ойды дамытудағы рөлі, сондай-ақ Шығыс пен Батыс арасындағы рухани байланыстарды ілгерілетуге әсері жан-жақты көрсетілгені атап өтілді. Сессия барысында қатысушылар әл-Фарабидің философиялық ұстанымдарының қазіргі кезеңдегі көкейкестігін және олардың әлемге ықпалына қатысты бірқатар мәселені талқылады.

Іс-шара қорытындысы бойынша қатысушылар Қазақстан мен Малайзия университеттері арасында ынтымақтастықты кеңейтуге және ұлы ғалымның мұрасын зерттеу мен насихаттауда күш біріктіруге келісті.


Біздің каналымызға жазылыңыз:

Бөлісіңіз:

Автор:

Балнұр Қожагелді

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT