+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Мақтааралдық мектептерде діни экстремизм мен терроризмнің алдын алу мәселелері түсіндірілді

2019 жылғы 26 қазан 23:48
Бөлісіңіз:
Мақтааралдық мектептерде діни экстремизм мен терроризмнің алдын алу мәселелері түсіндірілді

МАҚТААРАЛ. ҚазАқпарат – Түркістан облысы Мақтаарал ауданындағы мектептерде діни экстремизм мен терроризмнің алдын алу мәселелері түсіндірілді. «Жастар ресурстық орталығы» КММ ұйымдастырған кездесуде оқушыларға танымдық дәрістер жүргізіліп, тиісті мәліметтер берілді, деп хабарлайды ҚазАқпарат тілшісі.

Ұқсас жаңалықтар
Діни экстремизм идеологиясына ергендер адам өлтіруден тайынбайды - теолог-ғалым Алматыда 9 айда 94 қала тұрғыны теріс діни ағымның ықпалынан құтылған

Аталған шаралар Қазақстан Республикасының Тұңғыш Президенті - Елбасы Н.Ә.Назарбаевтың «Дін саласындағы мемлекеттік саясаттың 2017-2020 жылдарға арналған тұжырымдамасы» аясында діни экстремизм мен терроризмнің алдын алу мақсатында ұйымдастырылды.

Алғашқы кездесу Нұрлы жол ауылында орналасқан жалпы орта мектебі мен Арайлы ауылында орналасқан «С.Датұлы» атындағы білім ұясында өтті. Мақтаарал ауданы бойынша дін зерттеу орталығының теологтары Азамат Жәлелов пен «Жастар ресурстық орталығы» КММ теолог-инспекторы Алмасбек Қожахметтер керағар ағымдардың жетегіне еріп, тура жолдан адасып жүрген азаматтар туралы кең көлемде ақпарат берді.

Сондай-ақ, жат ағымдардың арбауына түспеу үшін діни сауаттылықты көтеру керек екендігін нақтылап айтты. Мектептің жоғарғы сынып оқушылары қатысқан шарада жастар мен теолог мамандар арасында ашық әңгіме өрбіп, еркін форматта пікір алмасты. «Әлем халықтарының жүрегіне үрей ұялатып, қорқыныштың дәнін сепкен, мейірім мен адами қасиетке толы дініміздің атын жамылып арам пиғылдарын жүзеге асырып жүрген экстремистік топтарға қоғам болып қарсы тұрғанда ғана бұл түйіткілді мәселенің шешімін табуға болады»,- деді кездесуге қатысқан теологтар.

Біздің каналымызға жазылыңыз:

Бөлісіңіз:

Автор:

Айнұр Ақбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT