+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Мақтааралда волонтерлер тіккен маска тегін таратылып жатыр

2020 жылғы 25 наурыз 13:57
Бөлісіңіз:
Мақтааралда волонтерлер тіккен маска тегін таратылып жатыр

ТҮРКІСТАН. ҚазАқпарат – Түркістан облысы Мақтаарал ауданында қауіпті індеттің алдын алуға байланысты қауіпсіздік шаралары күшейді. Жағдайды пайдаланып кейбір әккілер қыруар пайда табуға ұмтылса, еріктілер бетперде тігуді қолға алды, деп хабарлайды ҚазАқпарат тілшісі.

Ұқсас жаңалықтар
Түркияда маска сатылмайды, тек қана тегін таратылады Түзеу колонияларында бетперде тігумен айналысқан азаматтарға сыйақы берілді Теміртауда металлургтер маскамен тегін қамтамасыз етіледі

Мырзакент кентінде орналасқан бөбекжай балабақшасының құрылтайшысы Әдемау Шәріпқызы мен өзге мектепке дейінгі мекеме қызметкерлерінен құрылған волонтерлер тобы бетперде шығара бастады. Аудан әкімдігінің үйлестіруімен қолға алынған шараға ауданның ерікті жастары да атсалысуда. 40-қа тарта қыз-келіншек екі ауысымда жұмыс істеп, тәулігіне 2000 дана маска тігуде.

Жергілікті кәсіпкер Әдемау Әбдіманапованың қаржысына тігіліп жатқан медициналық масканы аудан әкімдігі арзан бағада сатып алып, тұрғындарға тегін таратуда. Кәсіпкердің мұндай әрекетке баруына елдегі жағдайға байланысты бетпердеге деген сұраныстың артуы, тапшылығы себеп болған.

«Елдегі карантинге байланысты кейбір пысықайлар жағдайды пайдаланып, маска бағасын қымбаттатып отыр. Сол арқылы пайда табуды көздеуде. Осындай қиын сәтте қолынан іс келетін әріптестерім мен жастардың басын қосып, маска тігуді қолға алдық. Қиын-қыстау сәтте қолымыздан келетін іспен айналысып, елге пайдамыздық тигізсек дейміз»,- дейді Әдемау Әбдіманапова.

Кәсіпкердің игі бастамасына ризашылығын білдірген Мақтаарал ауданының әкімі Бақыт Асанов алдағы уақытта кәсіпкерге жан-жақты қолдау білдіретінін, маска тігуге қажетті заттармен қамтуда ешқандай қиындық болмайтынын айтты.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT