+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Мақтааралда су тасқыны кезінде көмектескен волонтер сарбаздар марапатталды

2020 жылғы 20 мамыр 13:43
Бөлісіңіз:
Мақтааралда су тасқыны кезінде көмектескен волонтер сарбаздар марапатталды

МАҚТААРАЛ. ҚазАқпарат – Түркістан облысы Мақтаарал ауданындағы төтенше жағдай кезінде аянбай қызмет еткен бір топ ерікті әскери аудан әкімінің Алғыс хатына ие болды. Салтанатты жиынға қатысқан аудан әкімінің орынбасары Бейсенбай Төребеков қысылтаяң шақта жанашырлықпен елге қызмет көрсеткен азаматтарға алғысын айтты, деп хабарлайды ҚазАқпарат тілшісі.

Ауданда карантин режимі кезінде 1 санитарлық және 4 блокпост құрылған. Сол бекеттерге өз еркімен келген 12 әскери тік тұрып қызмет көрсеткен.

«Мемлекет басшысы «Әскери міндеттілерді арнаулы жиынға шақыру туралы» жарлығын шығарып, ауданымыздың қорғаныс істері жөніндегі бөлімі тарапынан азаматтарды қоғамдық жұмыстарға шақыру істері ұйымдастырылған болатын. Сол ерікті әскери міндетті азаматтар ретінде шақырту тізіміне іліккен болатын. Сондан бері карантиндік режимге байланысты тиісті шаралардың атқарылуына аянбай атсалыстыңыздар. Сол үшін де сіздерге мың да бір алғыс айтқым келеді», – деді аудан әкімінің орынбасары.


Сондай-ақ, бұл азаматтар Өзбекстан Республикасындағы Сардоба су қоймасы жарылып, топан судан қауіп төнген ауыл тұрғындарын эвакуациялауға көмектескен болатын. Ерікті сарбаздар бұл әрекетін азаматтық парыз санайды.

«Біз жалпы бір ай ерікті ретінде жұмыс істедік. Алғашқы 10 күн бекеттегі қауіпсіздікті күзетсек, кейінгі 20 күн топан судан зардап шеккен азаматтарға көмек көрсетумен және орталықтандырылған қоймада тауар тасумен айналыстық. Бүгін осынау еткен еңбегіміз ескеріліп, марапатталып жатырмыз. Біз халықтың пайдасына жұмыс істеуді жалғастыра беруге қашанда дайынбыз», – дейді ерікті сабаздың бірі Арман Даербеков.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT