+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Мақтааралда су басқан үйлер қиратылып, ауылдар күл-қоқыстан тазартылып жатыр

2020 жылғы 4 маусым 22:50
Бөлісіңіз:
Мақтааралда су басқан үйлер қиратылып, ауылдар күл-қоқыстан тазартылып жатыр

МАҚТААРАЛ. ҚазАқпарат - Мақтаарал ауданы Жаңажол ауыл округіне қарасты Фердауси, Өргебас, Жеңіс ауылдарында топан судан зардап шеккен үйлер бұзылып жатыр, деп хабарлайды ҚазАқпарат.

Ұқсас жаңалықтар

Мәселен, Жеңіс елдімекеніне жауапты боп бекітілген Шардара ауданы әкімдігі зақымдалған 66 тұрғын үйді бұзып жатыр. Бұл жұмысқа Шардара ауданынан күнделікті 30 адам мен 11 арнайы техника тартылған.

«Аталған жұмыстарға Шардара ауданынан күнделікті 30 адам тартылып отыр. Бүгінгі таңға жалпы 410 адам және 11 техника күндіз-түні тоқтаусыз еңбек етуде. Бұл бағыттағы жұмыстар тұрғындардың өтініштері бойынша жалғасын тауып келеді»,- дейді Шардара ауданы әкімінің орынбасары Бауыржан Шомпиев.

Сондай-ақ, мұндай жұмыстар Өргебас пен Фердауси ауылдарында да атқарылуда. Бүгінге дейін Фердауси ауылында 14 көше тазартылып, 200 үйде бұзу жұмыстары жүргізілуде. Бүгінгі күнге шейін аталған елдімекеннен 200 тоннадан астам күл-қоқыс шығарылыпты. Бұл жұмысқа ауылға жауапты Келес ауданы әкімдігі 130 адам мен 11 техника жұмылдырған.

Ал, Өргебас ауылына жауапты Жетісай ауданы. Мұнда бүгінде 189 үй бар болса, соның 162-інде бұзу жұмыстары жалғасуда. Сондай-ақ, 31 үй бұзылып, алаңшасы іргетас құюға дайындалуда.

Бүгінгі таңда Өргебаста 8,5 млн теңге алу үшін 169 адам келісімшартқа отырып, оның 164-не қаржы аударылған. Бұзу және қоқыстарды шығару жұмыстарын Өзбекстаннан келген 4 эксковатор, 2 камаз, 1 жүк мен бульдозер және 30 әскери адамдар атқаруда.

Жалпы ауылда жұмыс істеп жатқан адам саны 205-ке жетіп отыр. Оның 30-ы - Өзбекстан азаматы, 5-і - Жетісай, 20-сы - Қалыбеков ауыл округінен келген бригада, қалған 150 адам - жергілікті тұрғындар.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT