+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Мақтааралда мемлекеттік қызмет сапасын көтеруге арналған жиын өтті

2019 жылғы 28 қазан 16:17
Бөлісіңіз:
Мақтааралда мемлекеттік қызмет сапасын көтеруге арналған жиын өтті

МАҚТААРАЛ. ҚазАқпарат – Түркістан облысы Мақтаарал ауданында мемлекеттік қызмет сапасын арттыруға арналған жиын өтті. Мақтаарал аудандық «Жастар ресурстық орталығы» мен «Ұлы дала ауылдары» қоғамдық бірлестігінің ұйымдастыруымен өткен басқосуда мемлекеттік қызметкерлердің ел ішінде мәртебесін көтеру мен олардың оң имиджін қалыптастыру мәселелері талқыланды, деп хабарлайды ҚазАқпарат тілшісі.

«Жаңа жол» жалпы орта мектебінде өткен жиынға аудандағы барлық ауылдық округтерден жас мамандар мен округ әкімдерінің орынбасарлары, ауыл жастары қатысты.

Басқосуда жастар арасында мемлекеттік қызметке деген қызығушылықты арттыру жайы қамтылды. Бүгінгі мемлекеттік қызмет жөніндегі жаңа бағдарламалар мен олардың жауапкершіліктері, сонымен қатар, мемлекеттік қызметкерлердің құқықтарын қорғау мен жалақыларын көбейту, салалар бойынша бәсекелестікті арттыру мәселелері сөз болды.

«Елдің ертеңгі күнгі тізгінін ұстайтын азаматтары біз болғандықтан, ел жастары өзіне жүктелген әрбір іске, сенімге үлкен жауапкершілікпен қарауымыз керек. Бүгінде мемлекет біздің сапалы білім алуымызға, адал еңбек етіп, жарқын болашағымызды өз қолымызбен жасауымызға барлық мүмкіндіктерді жасап отыр. Сондықтан, біз мүмкіндіктерімізді барынша тиімді, дұрыс пайдалана алуымыз керек»,- деді жиын барысында Мақтаарал аудандық «Жастар ресурстық орталығы» КММ басшысы Сүндет Кенжебаев.

Басқосу соңында жиынға қатысушылар тарапынан мемлекеттік қызмет сапасын жақсартуға байланысты сұрақтар қойылып, ұсыныс-пікірлер тыңдалды.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT