+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Мақтааралда «Күз аруы – 2019» байқауы өтті

2019 жылғы 13 қараша 14:33
Бөлісіңіз:
Мақтааралда «Күз аруы – 2019» байқауы өтті

МАҚТААРАЛ. ҚазАқпарат – Түркістан облысы Мақтаарал ауданында «Күз аруы – 2019» байқауы өтті. «Жастар жылы» аясында қазіргі қазақ қыздарының жан дүниесіндегі көркемдік талғамын қалыптастырып, ұлттық тәрбиеге лайықты сұлу болмысын танытуға бағытталған байқауға аудандағы кенттер мен барлық ауылдық округтерден 11 ару қатысты, деп хабарлайды ҚазАқпарат тілшісі.

Сайыс ережесі бойынша қатысушылар «Сәлем – сөздің анасы», «Өлең – сөздің патшасы», «Зерделінің ойы озық», «Қазақ қызы – шаңырақтың шырақшысы» және «Мен қазақ қыздарына қайран қалам» атты сындардан өтті.

Арулар сөз мәдениетін танытып, ұлттық киімдер үлгісі мен өнерін, білім деңгейін көрсетті. Ұлттық дәстүр мен мәдениетті, әдет-ғұрыпты бойына жинақтаған зерделі де зерек арулар қоғамдағы қазақ қыздарының рөлі туралы ойларын жеткізді.

Байқау соңында қарсыластарынан қара үзіп, озық шыққан жеңімпаздар мен жүлделі орынға ие болған бойжеткендерді аудан әкімі Бақыт Асанов марапаттады.

Ал, өзге қатысушыларға «Көрермен көзайымы», «Парасатты ару» және «Өнерлі ару» сынды номинациялар беріліп, олар ұйымдастырушылар дипломына ие болды. Сондай-ақ, бағалы сыйлықтармен марапатталды.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT