+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Мырзакент ауылында жаңадан 500 үй салынады - Түркістан облысы

2020 жылғы 8 мамыр 14:52
Бөлісіңіз:
Мырзакент ауылында жаңадан 500 үй салынады - Түркістан облысы

МАҚТААРАЛ. ҚазАқпарат - Түркістан облысы өңірлік коммуникациялар қызметінің алаңында Мақтааралдағы су тасқынының салдарын жоюға қатысты брифинг өтті, деп хабарлайды ҚазАқпарат.

Оған Түркістан облысы әкімінің орынбасары Сәкен Қалқаманов пен Өзбекстан Республикасының Төтенше жағдайлар министрінің бірінші орынбасары Абдулла Құлдашев және Түркістан облысы Төтенше жағдай департаментінің бастығы Нұрғали Жүнісов қатысты.

«Өзбекстан Республикасының Президенті Ш.Мирзиеевтің тапсырмасы бойынша Мақтаарал ауданына келдік. Су басқан аймаққа 300-ден астам қызметкер, 186 техникамыз жұмылдырылған. Оның ішінде құтқаруға арналған, инженерлік, су тасу, жүк көліктері бар. Жергілікті әріптестерімізбен тығыз қарым-қатынаста тәулік бойы осымен 3 күн жұмыс істеудеміз. Қазіргі міндетіміз - коллекторларды тазарту, су тасыған жерлерді қалпына келтіру. 50-ден астам су тарту насосы күндіз-түні жұмыс істеп тұрғандықтан, кеше 34 мың куб су сыртқа шығарылды. Нәтижесінде Фирдоуси ауылында су деңгейі айтарлықтай төмендеді. Біз аймақтағы төтенше жағдай аяқталғанша осында боламыз», - деді Абдулла Құлдашев.

Сондай-ақ, брифинг барысында Мемлекеттік комиссия шешімімен жүзеге асып жатқан жұмыстарды атап өткен облыс әкімінің орынбасары Сәкен Қалқаманов Жеңіс, Жаңатұрмыс, Достық ауылдары толықтай көшірілетінін, ол үшін Мырзакент ауылынан 500 тұрғын үй салуға 50 гектар жер белгіленгенін атап өтті.

«Ресейлік кәсіпкер Әлішер Усманов су тасқынынан зардап шеккен Мақтаарал ауданының эвакуацияланған 30420 тұрғыны үшін «Түркістан» әлеуметтік даму корпоративтік қорына 5 млн 202 мың АҚШ долларын аударды. Бұл қаражат эвакуацияланған 5202 отбасының жеке шоттарына түсетін болады. Сондай-ақ, қорға отандық кәсіпкерлер мен азаматтардан 160 млн теңгеге жуық қаржы түсті. Жиналған қаржы зардап шеккен отбасыларға бағытталады. Гуманитарлық көмек ретінде штаб қоймасына 270 тонна азық-түлік жеткізілді, оның бүгінде 90 тоннасы елге таратылды»,-деді Сәкен Қалқаманов.

Түркістан облысы ТЖД бастығы Нұрғали Жүнісов брифингте апат аймағына еліміздің Қорғаныс саласынан 1000-нан астам маманның жұмылдырылғанын жеткізді.

«Қазіргі таңда судың деңгейі төмендеуде. Өргебас, Нұрлы жол, Фирдоуси, Жеңіс елдімекендерінде су сору жұмыстары жалғасуда. Қорғаныс министрлігі, Ұлттық ұлан, ТЖД мен Полиция департаментінен 1365 адам жұмыс атқаруда. Мәселен, 75 мотопомпа су сору жұмыстарында, 44 қайық су басқан елдімекендерде тұрғындардың үйлерінен заттарын тасу жұмыстарына жұмылдырылған», - деді Нұрғали Жүнісов.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT