Махамбет Досмұхамбетов: Көрісу - бағзыдан келе жатқан құнды дәстүріміз

АТЫРАУ. ҚазАқпарат – Көрісу – бағзыдан келе жатқан дәстүріміз, құнды ғұрпымыз.​ Бүгінгі Көрісу күнімен құттықтаған Атырау облысының әкімі Махамбет Досмұхамбетов осындай пікір білдірді, деп хабарлайды ҚазАққпарат.

«Тәуелсіздік жылдарында ұлтымыздың руханияты қайта жанданып, ұлттық кодымыз жаңғырды. Терең тарихымыз бен бай салт-дәстүрімізді түлету үшін мемлекет тарапынан

үлкен қолдау жасалып келеді. Мәңгілік ел құруға негіз болатын ерекше құндылықтарымыз осылайша жас ұрпақтың санасына сіңірілуде.​

Халқымыздың ортақ салт-дәстүрімен қатар, байтақ еліміздің кей аймағында өзіне тән жол- жоралғылары да бар. Бұл Алтайдан Атырауға дейінгі аралықты ен жайлаған еліміздің ұлттық әдет-ғұрыптарға барынша бай екенін көрсетеді.​ Соның бірі – өңірімізде ерекше аталып өтетін Көрісу мерекесі» -деп жазды Facebook желісінде облыс әкімі Махамбет Досмұхамбетов.

Әкімнің айтуынша, бұл – бабаларымыздан бері келе жатқан бағзы дәстүр, құнды ғұрпымыз.​ Қытымыр қыстан шыққан ел көктемнің лебіндей көңілденіп, бір-бірінен амандық-саулық сұрасып, көріседі. Жастар жағы қарияларға ілтипат-ізет көрсетіп, үлкендер болса, жас ұрпаққа аталық ақ баталарын береді. Әрбір шаңырақта жылы-жұмсағы мол арнайы дастарқан жайылады.

«Жыл бойы көріспеген ағайын-тума, көрші-көлем ас-дәм мен ақтан ауыз тиіп, бір-біріне жылы лебіздерін арнайды. ​Осы игі дәстүріміз бүгінде берік рухани қазынамыз ретінде

орнығып, жалпы адами құндылықтар мен ізгіліктің өрісіне айналды» -деді өңір басшысы.​

Еске сала кетелік, бұдан бұрын Атырау облысының бас санитар дәрігері МәдениетТанауов Көрісу күнінде үлкендерді тек телефонмен, видеоқоңыраумен құттықтауға

ұсыныс жасаған 4 болатын.