+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Махаббат Есен: Теледидардың «ақыры» туралы әңгіме сәннен қалған

2019 жылғы 13 қыркүйек 14:37
Бөлісіңіз:
Махаббат Есен: Теледидардың «ақыры» туралы әңгіме сәннен қалған

НҰР-СҰЛТАН. ҚазАқпарат - Бұқаралық ақпарат құралдарын қолдау қорының жетекшісі, Astana Media Week медиа апталығының ұйымдастырушысы Махаббат Есен теледидардың болашағына қатысты пікір білдірді, деп хабарлайды ҚазАқпарат тілшісі.

Ұқсас жаңалықтар
Қазақстан мен Оңтүстік Корея ақпарат агенттіктерінің басшылары ынтымақтастық перспективаларын белгіледі Түркістанда жаңа және дәстүрлі медиа тақырыбында форум өтті Елбасы Президент жұмысына араласпайды - Дәурен Абаев елдегі «қос билік» қауесеті туралы

Әуелі Махаббат Есен осымен үшінші жыл қатар өтіп жатқан Astana Media Week медиа апталығы биыл несімен ерекшеленгенін айтты.

«Бірінші жылы барлық арналарды, медиаторларды, өндірушілерді біріктіретін коммуникативтік алаң құру көздеген едік. Әрине, алғы шепте телевизия саласының өкілдері тұрды. Солар үшін осындай пікір алмасу алаңын құрғымыз келген болатын. Алғашында осындай алаң құрып, адамдарды ақпараттандыру, үйрету мақсат етілсе, өткен жылы мемлекет қаражатына жасалған барлық контент өңірлік арналарға тегін берілді», - деді Махаббат Есен.

Оның айтуына қарағанда, бұл жолғы шарада ақпаратты сол күйінде қабылдайтын «сезімтал топтармен» жұмыс тәсілі негізгі тақырып болғанын айтады.

«Биылғы апталықтың мазмұны ерекше. Қатып қалған ештеңе жоқ қой. Бүкіл әлем талқылап жатқан жаңалықтардан құр қалмай, бағып отыратын болдық. Ақпарат тұтынушылардың талабы мен талғамы қандай деген мәселе өзекті болып тұр. Ақпарат өте көп және бұл елді шаршатады. Медиамәдениет, медиасауаттылық деген дүниелер біздің қоғамда қатты дамып кетті деп айтуға келмейді», - деген ол дәстүрлі саналатын БАҚ пен заманауи ақпарат беру форматының арасындағы бәсеке туралы пікір білдірді.

«Бұл апталықта әркімнің пікірін есту маңызды болды. «Теледидарды интернет ысырып тастай ала ма?» деген сұрақ әлі бар. Апталыққа қатысушылар телевизия саласына әзірге ешқандай жамандық төніп тұрған жоқ деген пайымға келіп жатыр. Сондықтан, осы төңіректегі дауды доғаратын кез жеткен сияқты. Тіпті бұл тақырып сәннен қалған. Мүмкін теледидар ақпарат нарығында осыдан 30-40 жыл бұрынғыдай қожалық ете алмас, бірақ ол бүгін ақпаратты тікелей таратудың теңдессіз алаңына айналып отыр. Қазір БАҚ тиімділігі контентпен өлшенеді. Яғни көрсетілім алаңының құрылымы маңызды емес. Теледидар ма, YouTube каналы ма, әлеуметтік желі ме, ол маңызды емес. Ең маңыздысы – мазмұн. Сапалы журналистика ешқашан өлмейді», - дейді танымал журналист.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT