+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Мағзұм Мырзағалиев АҚШ-та бірқатар компания жетекшілерімен кездесу өткізді

2019 жылғы 26 қыркүйек 16:31
Бөлісіңіз:
Мағзұм Мырзағалиев АҚШ-та бірқатар компания жетекшілерімен кездесу өткізді

НҰР-СҰЛТАН. ҚазАқпарат - Қазақстанның Экология, геология жəне табиғи ресурстар министрі Мағзұм Мырзағалиев ел Президенті Қасым-Жомарт Тоқаевтың АҚШ-қа сапары шеңберінде Нью-Йорктегі америкалық компания өкілдерімен жетекшілік ететін салаларда ынтымақтастық орнату мақсатында бірқатар кездесу өткізді.

Ұқсас жаңалықтар
Мұхтар Тілеуберді  Испанияға сапарлайды Мұхтар Тілеуберді АҚШ-қа ресми сапармен барады Тель-Авивте Қазақстанның Тәуелсіздік күніне арналған дөңгелек үстел өтті

Бұл туралы министрлік өзінің Facebook парақшасында мәлім етті, деп хабарлайды ҚазАқпарат.

Атап айтқанда, министр БҰҰ Бас хатшысының көмекшісі Мирьяна Сполярич Эггер ханыммен, FreePort, Baron, Schlumberger жəне басқа да компаниялардың өкілдерімен кездесті.

Көптеген мəселелер, оның ішінде Қазақстан аумағында геология, геологиялық барлау, қоршаған ортаны қорғау, гидрометеорологиялық желілер саласындағы бірлескен жобаларды іске асыру мүмкіндігі талқыланды.

FreePort компаниясының өкілі Кинг мырза министрмен сұхбат барысында Қазақстанның нарығына молибден өндіру бойынша шығу ниетін танытты.

Бұл мəселені егжей-тегжейлі талқылау үшін таяу арада Нұр-Сұлтан қаласында кездесу туралы уағдаластыққа қол жеткізілді.

Baron өкілдерімен кездесуде ұлттық гидрометеорологиялық желіні дамыту мәселесі сөз болды. Тараптар бұл мəселе жөнінде пікір алысып, келешек ынтымақтастық аспектілерін талқылады. Компания өкілдері министрлікке осы мəселе жөніндегі өз пайымдарын айтуға уəде берді.

Министрлік сондай-ақ, Небраска-Линькольн университетімен меморандум жасасты. Оның мақсаты – су ресурстары, кадр дайындау саласын бірлесіп зерттеу.

Бұдан басқа, геологиялық барлауды инвестициялау бойынша Western Geco (Schlumberger бөлімшесі) компаниясы тарапынан уағдаластыққа қол жеткізілді. Тиісті меморандумға қол қойылып, компания тарапынан ынтымақтастық және қаржыландыру механизмі мәселелерінің егжей-тегжейі пысықталуда.

«АҚШ-та өткізілген бұл кездесулердің мақсаты елімізге инвестиция, жаңа технологиялар тарту. Ірі америкалық компаниялармен табысты диалог кезінде қарсы тарап біздің еліміздің аумағында бірлескен жобаларды іске асыруға ниетті екендіктерін жеткізді. Біздің министрлікте тағы да келіссөздер жүргізуге келістік. Байланысымыз жалғастырылады жəне бізге АҚШ компанияларымен бірге ірі жобаларды іске асырудың сəті түседі деп үміттенемін», - деді М. Мырзағалиев сапарды қортындылай келіп.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT