USD 434.48 EUR 492.61
RUB 5.68 CNY 68.44
Jańalyqtar

«MadMEN» музыкалық тобы мүшелеріне қатысты сот аяқталуға жақын

2021 жылғы 14 қазан 15:25
Бөлісіңіз:
«MadMEN» музыкалық тобы мүшелеріне қатысты сот аяқталуға жақын

НҰР-СҰЛТАН. ҚазАқпарат – Отандық «MadMEN» музыкалық тобы мүшелеріне қатысты қылмыстық іс аяқталу сатысында. Бұл туралы ҚР Ішкі істер министрлігінің Есірткі қылмысына қарсы іс-қимыл департаментінің басшысы, полиция полковнигі Ерлан Омарбеков мәлім етті, деп хабарлайды ҚазАқпарат тілшісі.

Ұқсас жаңалықтар
Атырау облысында есірткіні жарнамалаған 17 сайт бұғатталды

«Бүгінде «MadMEN» музыкалық тобының директоры Р.И.Хванның жетекшілігімен 8 қатысушыдан тұратын қылмыстық топ құру арқылы синтетикалық есірткіні таратуға қатысты атышулы факті бойынша қылмыстық іс аяқталу сатысында. Биыл қаңтар-сәуір айларында жүргізілген жұмыстың нәтижесінде айыптылардан 1,3 келіден астам «мефедрон» синтетикалық есірткі тәркіленді», - деді Ерлан Омарбеков.

Еске сала кетсек, биыл аталған музыкалық тобының мүшелеріне ұйымдасқан қылмыстық топ құру және оған қатысу айыптары тағылды.

Қылмыстық топты құрықтаған Алматы полициясы оның құрамында 21 жастан 30 жасқа дейінгі 10 адамның барын айтқан еді.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT