19:40, 25 Маусым 2019 | GMT +6
Мадияр Әшкеевтың кезекті қарсыласы анықталды
НҰР-СҰЛТАН. ҚазАқпарат - Екінші жартылай орта салмақта жұдырықтасатын қазақстандық кәсіпқой боксшы Мадияр Әшкеевтің (12-0,6КО ) Алматы қаласында өтетін жекпе-жегінің қарсыласы анықталды, деп хабарлайды ҚазАқпарат.
«QAZAQ promotions» промоутерлік компаниясының хабарлауынша, Қазақстанда кәсіпқой бокстағы алғашқы жекпе-жегін өткізетін Мадияр Әшкеев эстониялық боксшы Павел Семжоновпен (24-11-2,9КО) қолғап түйістіреді.
Айта кетейік, боксшылар Бүкіләлемдік бокс қауымдастығының (WBA) алғашқы шығу тегі саналатын АҚШ Ұлттық бокс қауымдастығы (NBA) чемпиондық титулына таласады.
Бұған дейін хабарлағанымыздай, қазақстандық кәсіпқой боксшы Қанат Ислам 5 шілде күні Алматы қаласында рингке қайта оралады.
Сондай-ақ, бокс кешіне Мадияр Әшкеев, Абылайхан Құсайынов, Руслан Мырсатаев, Айдос Ербосынұлы сынды қазақстандық боксшылар өнер көрсетеді.