+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Мәдина Әбілқасымова ведомстводағы былық жайында: Кінәлілер жазаланды

2018 жылғы 28 қыркүйек 15:13
Бөлісіңіз:
Мәдина Әбілқасымова ведомстводағы былық жайында: Кінәлілер жазаланды

АСТАНА. ҚазАқпарат - ҚР Еңбек және халықты әлеуметтік қорғау министрі Мәдина Әбілқасымова азаматтарды жұмысқа орналастыру үшін бөлінген қаражаттың талан-таражға салынуына қатысты пікір білдірді, деп хабарлайды ҚазАқпарат тілшісі.

«Бүгін Бас прокуратура өткен жылдардағы бағдарламаға жүргізілген тексеру нәтижесін жария етті. Бағдарламаны жүзеге асыру барысында кей жерлерде айтарлықтай бұзушылықтар орын алған. Жұмысқа орналастыру немесе қысқа мерзімді кәсіби оқыту туралы жалған анықтамалар анықталды. Аталған шараларға 5 млрд теңге бөлініп, 70 мыңнан астам адам оқытылған. Ал жұмысқа орналасқаны шамамен 60 пайыз ғана», - деді министр Мәжілістегі парламенттік тыңдаудан кейін БАҚ өкілдеріне.

Оның атап өтуінше, кінәлілерге қатысты шаралар қабылданған.

«Дегенмен, бағдарламаны жүзеге асыру ең алдымен жергілікті атқарушы органдардың құзіретіне кіреді. Бұзушылықтар орын алған Халықты жұмыспен қамту орталықтары қазіргі уақытта жергілікті атқарушы органдардың бақылауында. Әрбір факті бойынша әкімдіктермен және жұмыспен қамту басқармаларымен мән-жайды анықтадық. Шаралар қабылданып, мұндай бұзушылықтар жіберген қызметкерлер жұмыстан шығарылды», - деді Мәдина Әбілқасымова.

Сонымен қатар ол министрлік орын алған бұзушылықтардың сәйкесінше қорытынды шығарғанын баса айтты.

«Бағдарлама шарттары жақсарды. Бұл жайында бүгін айттым. Оқу орындарын іріктеу талаптары жақсартылды. Материалдық базасы жақсы, өткен жылдардағы жұмысқа орналастыру көрсеткіші 60 пайыздан кем емес оқу орындары ғана бұл бағдарламаға қосылатын болады. Қазіргі уақытта аталған оқу орындарының тізілімі «Атамекен» ҰКП-мен бекітіледі. Содан кейін өңірлік комиссияға шығарылып, бекітіледі және оқу орындарын іріктеу жүргзіледі. Біз талаптарды қатаңдатып, аталған тізілімді қайта қараймыз», - деді министр.

Айта кетейік, бұған дейін ҚР Бас прокуратурасы халықты жұмыспен қамту бағдарламасы аясында бөлінген қаражаттың тиімсіз пайдаланғандығын және ұрланғанын жария еткен болатын.

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT