+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Мәдениет ұйымдарының қызметкерлері медициналық маска тігу акциясын бастады

2020 жылғы 2 сәуір 12:29
Бөлісіңіз:
Мәдениет ұйымдарының қызметкерлері медициналық маска тігу акциясын бастады

НҰР-СҰЛТАН. ҚазАқпарат – Ел өңірлеріндегі мәдениет ұйымдарының қызметкерлері медициналық маска тігу акциясын бастап кетті, деп хабарлайды ҚазАқпарат тілшісі.

«Жұмыла көтеріп, талай жүкті жеңілдеткенбіз. Бұл сынақтан да елдегі бірлік пен келісімнің арқасында сүрінбей өтерімізге сенемін. Қазір тұтас жер-жаһанды теңселткен коронавирусқа қарсы науқанға әркім қолынан келгенше үлес қосып жатыр. Біздің министрлікке бағынышты білім беру мекемелерінің жатақханалары індетпен күреске бел шешіп кіріскен дәрігерлердің, құқық қорғау органы қызметкерлері мен әскерилердің жұмылған жұмысына тамшыдай үлес қосуда. Еліміздегі індетке қарсы күрестен біз де шет қалмадық. Министрлікке қарасты республикалық мәдениет ұйымдары 21-наурыздан ауруханаларға, қаланың әлеуметтік мекемелеріне және өз қызметкерлері үшін медициналық маска тігу акциясын бастады», - деді Мәдениет және спорт министрі Ақтоты Райымқұлова ОКҚ-да өткен баспасөз мәслихатында.

Мәселен, бүгінгі күні мәдениет ұйымдары өз күшімен барлық санитарлық-гигиеналық нормаларды сақтай отырып, 15 мыңнан астам көп рет қолданылатын масканы тиісті ұйымдарға тапсырған. Сонымен қатар, өңірлік мәдениет ұйымдары да осы акцияға қосылып, 20 мыңнан астам маска тіккен.

«Сонымен қатар, министрлікте бағынышты ұйымдар материалдық жағдайы төмен азаматтарға азық-түлік дәрі-дәрмек, материалдық көмек көрсетіп келеді. Бүгінгі брифингте сөзімді ақ халатты абзал жандарға алғыс айтудан бастадым. Қазір дәрігерлерге ақындарымыз өлең арнап, композиторларымыз, тіпті мамандықтары өнерден алыс адамдар да қолдап, өз туындыларын шығарып жатқандығын түрлі ақпарат құралдарынан, әлеуметтік желілерден естіп, көріп жүрсіздер. Осы күрделі сынақты кезеңде еліміз ауызбіршілік сабырлық арқасында барлық қиыншылықтардан бірге еңсеретінімізге сенімдімін!» - деді ол.



Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT