Мәдениет министрлігінде департамент басшысы ірі сомада қаржы жымқыру күдігіне ілікті

НҰР-СҰЛТАН. ҚазАқпарат – ҚР Мәдениет және спорт министрлігі Мәдениет пен өнер істері жөніндегі департамент басшысы аса ірі көлемде қаржы жымқыру күдігіне ілікті, деп хабарлайды ҚазАқпарат тілшісі.

Атап айтқанда, Сыбайлас жемқорлыққа қарсы қызмет аталған факті бойынша сотқа дейінгі тергеу амалдарын жүргізуде.

Департамент басшысы көрсетілген қызметтер құны асыра көрсетілген актілерге қол қою және қазақстандық контенттегі кинематографияны мемлекеттік қаржыландыру үшін қаржыны негізсіз аудару арқылы бюджет қаражатын ірі сомада ысырап етті деген күдікке ілікті.

«Тергеу амалдары жалғасуда. Күдіктіге қатысты соңғы шешімді сот шығарады» делінген таратылған мәліметте.