USD 434.24 EUR 492.69
RUB 5.67 CNY 68.46
Jańalyqtar

Мәдениет министрлігі QAZAQSTAN-ның дұрыстығын түсіндіріп берді

2016 жылғы 2 қараша 19:25
Бөлісіңіз:
Мәдениет министрлігі QAZAQSTAN-ның дұрыстығын түсіндіріп берді

АСТАНА. ҚазАқпарат - ҚР Парламент Сенатының төрағасы Қасым-Жомарт Тоқаевтың «Ағылшын тілінде QAZAQSTAN еліміздің ұлттық негізін дұрыс көрсетеді» деген ұсынысына ҚР Мәдениет және спорт министрлігі тілдерді дамыту комитеті төрағасының орынбасары Ғалымжан Мелдешев өз пікірін білдірді, деп xабарлайды ҚазАқпарат тілшісі.

«Қазақ тіліндегі дыбыстардың ұлттық жүйесінде «Қ» деген әмбебап дыбыс бар. Оның латын тіліндегі транскрипциясы - «Q». Өткен ғасырдың 30-40 жылдары бізде латын әліпбиі болды. Сол кезде «Q» әрпін қолданды. Осы орайда Аxмет Байтұрсынов атындағы тіл білімі институтының қызметкері, филология ғылымдарының докторы Әлімxан Жүнісбектің бір сөзін келтіргім келіп отыр. Оның айтуынша, «Қ» дыбысының артикуляциялық және перфективті ерекшеліктеріне аса абай болу керек. Одан айырылып қалсақ, түрік тілінің орфографиясы ұшыраған жағдайға тап боламыз. Ондайда қазақ тілінің сингармонизм заңдары бұзылады. Ал ағылшын тіліндегі «К» әрпі индо-еуропалық тілдерге тән. Оның жіңішкелігі «Қ» әрпін ешқашан алмастыра алмайды. Сондықтан ол әріпті сақтап қалу үшін «Q» әрпін қолданған дұрыс. Қазақтың бұрынғы алфавитінде «Қ»-ны «Q» - деп белгілеген», - деді Ғ.Мелдешев ҚазАқпарат тілшісіне берген сұxбатында.

Оның айтуынша, қазіргі компьютер пернетақтасында «Q» әрпінің болғаны орынды. Себебі бұл Қазақстанның атауын жазуға ғана емес, қазақ тіліндегі көптеген сөздердің сингармониялық тембрін сақтау үшін аса қажет.

Біздің каналымызға жазылыңыз:

Бөлісіңіз:

Автор:

Арман Асқаров

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT