Мьянмада автобустар жол апатына ұшырап, 13 адам қаза тапты

НҰР-СҰЛТАН. ҚазАқпарат – Мьянманың орталық бөлігінде сейсенбі күні автобустар жол апатына ұшырап, салдарынан 13 адам қаза тапты және 25-і зардап шекті. Бұл туралы «Синьхуа» агенттігі жазды, деп хабарлайды ҚазАқпарат.

Жергілікті биліктің дерегі бойынша, оқиға Мандалай ауданында болған. Автобустардың бірінің жүргізушісі рульді басқара алмай, көлік құралы аударылып кеткен. Екінші автобус онымен соқтығысудың алдын алмақ болып, ағашқа соғылды. Зардап шегушілер жақын маңдағы ауруханаға жеткізілді.