Лозанна-2020: Қазақстандық биатлоншылар эстафетада үздік ондыққа енді

НҰР-СҰЛТАН. ҚазАқпарат - Лозаннада жасөспірімдер Олимпиадасында биатлоннан аралас эстафета бәсекесі аяқталды, деп хабарлайды Olympic.kz.

Аталған спорт түрі бойынша жарысқа Қазақстан сапынан Вадим Куралес пен Ульяна Ардалинова қатысты. Нәтижесінде, үздік ондыққа ілінді. Қазақстан 30 ел ішінде сегізінші орынға жайғасты.

Мәреге бірінші Франция құрамасы жетсе, Италия екінші болды. Ал үздік үштікті шведтер қорытындылады.