+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Лондон Мысырға Хатшепсут мазарынан ұрланған құнды жәдігерді қайтарды

2016 жылғы 21 желтоқсан 12:00
Бөлісіңіз:
Лондон Мысырға Хатшепсут мазарынан ұрланған құнды жәдігерді қайтарды

АСТАНА. ҚазАқпарат - 1975 жылы Хатшепсут патшайымының мазарынан ұрлап, елден заңсыз алып кеткен барельеф Мысырдың Лондондағы консулдығына қайтарылды, деп хабарлады сейсенбі күні Ahram Online Египеттің ежелгі істер министрлігіне сілтеме жасап.

Бұл рәсім Ұлыбритания СІМ мамандары мен британдық музей сарапшыларының қатысуымен өтті. Египеттен 30 жыл бұрын заңсыз әкетілген құнды жәдігер таяуда ғана Испанияның шағын аукционына қойылған еді. Оны британдық антиквариат саудагері сатып алды.

Ежелгі істер министрлігінің өкілдері жәдігерді Египетке қайтарудың маңыздылығын, әсіресе польшалық археологтар мазарды қалпына келтіру жұмыстарын жүргізіп жатқан кезде таптырмайтын дүние екендігін атап өтті.

Айта кеткен жөн, Хатшепсут ғибадатханасы - біздің дәуірімізге дейінгі 15 ғасырда құрылған Жаңа патшалықтағы ғажайып ескерткіштердің бірі.

Біздің каналымызға жазылыңыз:

#Әлем  
Бөлісіңіз:

Автор:

Ақбөпе Әбдрасул

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT