+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ливия жағалауларында 200-ден астам босқын құрбан болды

2017 жылғы 24 наурыз 07:21
Бөлісіңіз:
Ливия жағалауларында 200-ден астам босқын құрбан болды

БРЮССЕЛЬ. ҚазАқпарат - Қайықтың аударылып қалуы салдарынан Жерорта теңізінде 200-ден астам босқын құрбан болды, деп хабарлайды «ҚазАқпарат» ХАА-нің меншікті тілшісі Испанияның Proactiva Open Arms ұйымына сілтеме жасап.

Бейсенбі күні Ливия жағалауларында Proactiva Open Arms ұйымының еріктілері суға батып кеткен екі қайықтың бөліктерін тапқан. Олардың әрқайсысына 100-ден астам адам сыйдыруға болатындығы хабарланады.

«Біз 5 адамның денесін бортқа көтердік. Біз Еуропа бұрын-соңды көрмеген жан түршігерлік оқиғаның куәсі болдық»,-деп жазды Proactiva Open Arms ұйымының өкілдері Facebook парақшасында.

Айта кетейік, Халықаралық көші-қон ұйымының мәліметтері бойынша, Еуропаға 2016 жылы Жерорта теңізі арқылы 363 мыңнан астам мигранттар мен босқындар келді. Ол кезде 5 мыңнан астам адам жол бойында мерт болды.

Біздің каналымызға жазылыңыз:

Бөлісіңіз:

Автор:

Айдар Оспаналиев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT