Лиссабонда «Еуровидение» музыкалық байқауы өтіп жатыр

АСТАНА. ҚазАқпарат - Былтыр Киевте әнші Сальвадор Собрал Португалияның «Еуровидение» музыкалық конкурсын өткізу құқығын жеңіп алған болатын, деп хабарлайды ҚазАқпарат Еuronews-ке сілтеме жасап.

Биылғы конкурстың ұраны - «Барлығы бортқа!» деп аталады. Ол мұхитқа арналған, себебі Лиссабон Алтантика жағалауында орналасқан. Сондықтан, байқау сахнасындағы кілемнің түсін де көкке ауыстырған.

Сүйікті әншілердің арасында Беларусьтің намысын қорғайтын украиндық Никита Алексеев, израильдық Нетта Барзилай, испан дуэті «Амайя мен Альфред» бар.