Қолданушы баптаулары
Қолданушы баптаулары
+7 (701) 759 90 19 Лента
Астана: 14 °С
Алматы: 35 °С
USD 346.68 EUR 404.02
RUB 5.47 CNY 51.15
Жаңалықтар

Ләззат Қиынов: Сенатта қызмет жасаған зор құрмет

2017 жылғы 14 қыркүйек 12:55 1781
Бөлісіңіз:
Ләззат Қиынов: Сенатта қызмет жасаған зор құрмет

АСТАНА. ҚазАқпарат - Бүгін Парламент Сенатының жалпы отырысында бұрынғы сенатор Ләззат Қиынов әріптестері мен Елбасына алғысын айтты , деп хабарлайды ҚазАқпарат.

«ҚР Президентінің Жарлығымен әріптесіміз Ләззат Кетебайұлы Қиыновтың депутаттық өкілеттігі тоқтатылды. Ләззат Кетебайұлын өздеріңіз жақсы білесіздер, ұзақ жылдары мұнай саласында басшылық қызметтер атқарды. Елбасының сеніміне ие болып, Маңғыстау облысының әкімі лауызымында өңірдің әлеуметтік-экономикалық дамуын қамтамасыз ету жолында қажырлы еңбек етті. Парламент қабырғасында Президенттің стратегиялық міндеттерін табысты орындауға қажетті заңнамалық негізгі қалыптастыруға қомақты үлесін қосты. Заң жобаларын терең зерделеп, қоғамның түйткілді мәселелері жөнінде мазмұнды пікір, салмақты ой айтты. Сіздің мол өмірлік тәжірибеңіз, салмақты ой-пікірлеріңіз бен терең біліміңіз алдағы уақытта Қазақстанға керек болатынына сенеміз», - деді Парламент Сенатының төрағасы Қасым-Жомарт Тоқаев.

Жалпы отырыс барысында Ләззат Қиынов Сенаттың «Құрмет грамотасымен» марапатталды.

«Әрбір қызметтің өз шегі болады ғой. Міне, бүгін сіздермен қызмет жасайтын жолымның аяқталған күні. Өмір жолымда түрлі жұмыстарды атқардым және адал әрі таза қызмет етуге тырыстым. Ал енді оның қолымнан келгенін немесе келмегенін қызметтес азаматтар бағалай жатар. Осы өмір жолымда Сенатта өздеріңіз секілді ел азаматтарымен қызмет жасағаныма өте ризамын», - деп атап өтті Ләззат Кетебайұлы.

Ол бұл тұрғыда жақсы қарым-қатынастары үшін барша сенаторларға алғысын білдірді.

«Атап айтқанда, Президентіміз, Елбасымыз Нұрсұлтан Әбішұлы Назарбаевқа өзімнің үлкен рахметімді айтқым келеді. Мен ауылдағы қарапайым мұғалімдердің баласымын. Бірақ үлкен жетістіктерге жетіп, лауазымды қызметтерді атқардым. Осының барлығы Елбасының арқасы», -деді ол.

 

 


Басты сөздер: Сенат, Қоғам,
Бөлісіңіз:

Автор:

Руслан Ғаббасов

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Айдар Оспаналиев
Айдар Оспаналиев
954-059
Мұрағат