22:55, 18 Шілде 2019 | GMT +6
Латвия Биатлон федерациясының президенті жемқорлыққа қатысы бар деген күдікпен ұсталды
НҰР-СҰЛТАН. ҚазАқпарат – Латвияның Биатлон федерациясының президенті және Халықаралық биатлоншылар одағы басшысының лауазымына кандидат Байба Брока пара алды деген күдікпен ұсталды, деп хабарлайды ҚазАқпарат латвиялық TVNet порталына сілтеме жасап.
43 жасар Брокаға €20 мың көлемінде пара алды деген күдік тағылуда. Қаражат Латвияның Биатлон федерациясы тарапынан қайырымдылық қаржы ретінде тіркелген.
Брока – Рига думасының депутаты және Латвия университеті ректорының орынбасары. Жоғары оқу орны оны тергеуге байланысты міндеттерінен босатты.