+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Лаңкестік қаупі Қазақстан үшін де өзекті мәселе болып отыр - Н.Назарбаев

2016 жылғы 1 қыркүйек 11:53
Бөлісіңіз:
Лаңкестік қаупі Қазақстан үшін де өзекті мәселе болып   отыр - Н.Назарбаев

АСТАНА. ҚазАқпарат - Лаңкестік қаупі Қазақстан үшін де өзекті мәселе болып отыр. Бүгін ҚР Парламенті палаталарының бірлескен отырысында сөз сөйлеген Елбасы Нұрсұлтан Назарбаев осылай деді.

«Халықаралық қатынастар жүйесі жетекші державалар арасындағы теке-тірестің өсуі салдарынан болжап болмайтын шекке жетті. Экономикалық санкциялар, ымыраға келмеу, өзара қатерлер, қайтадан қарулану жарысын бастауға ниет әлемге де түбегейлі көмектеспейді, елге де тұрақтылық әкелмейді. Бұл әлемдік қоғамдастықтың халықаралық терроризммен, экстремизммен күресін қиындатады және мұны, ұлы державалар арасындағы келіспеушіліктерді экстремистер пайдаланады», - деді Н.Назарбаев.

Мемлекет басшысы өз сөзінде бүгінде барлығы да мұндай зұлымдықтарды күш біріктіргенде ғана жеңуге болатындығын түсінгендігін атап өтті.

«Өткен жазда орын алған оқиғалар әлемдегі бір-бір мемлекеттің, бірде-бір елдің террористік актіден аман қалмайтынын көрсетті. Террористік қауіп Қазақстан үшін өзекті мәселеге айналды. Бүгінде халықаралық күнтәртібінде жаһандық соғыстың алдын алу, адамзаттың ядролық өзін-өзі жойып жіберу қаупі өзекті мәселелерге айналып отыр», - деді Елбасы.

Сонымен қатар ҚР Президенті Тәуелсіздігіміздің екінші ширегі өте күрделі кезеңде басталғалы отырғандығын ескертіп өтті.

«Дегенмен, бұл қалай болғанда да біздің осы ғасырдың ортасында Қазақстанды Еуразияның ең дамыған мемлекетіне айналдыру, яғни әлемнің дамыған мемлекеттері клубына кіргізу сынды ұлы мақсатымызға қол жеткізуімізге кедергі болмауы тиіс», - деді Ұлт көшбасшысы.

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT