+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ла-Маншты қайықпен кесіп өтпек болған 5 мигрант қаза тапты, бірнешеуі ес-түзсіз жатыр

2021 жылғы 24 қараша 22:37
Бөлісіңіз:
Ла-Маншты қайықпен кесіп өтпек болған 5 мигрант қаза тапты, бірнешеуі ес-түзсіз жатыр

ПАРИЖ. ҚазАқпарат - Франция жағалауында заңсыз жолмен Ұлыбританияға Ла-Манш арқылы өтпек болған мигранттардың қайығы апатқа ұшырап, кем дегенде бес адам қаза тапты. Бұл туралы ҚазАқпарат AFP агенттігіне сілтеме жасап хабарлайды.

Франция ішкі істер министрлігіндегі дереккөздің айтуынша, Париж уақытымен 14:00 шамасында бір балықшы Кале қаласы аумағындағы Ла-Манш арнасынан он беске жуық адамның табылғаны туралы хабарлаған. Құтқару операциясы кезінде бес адамның көз жұмғаны анықталды, тағы бес адам ес-түссіз жатқан.

Келеңсіз жағдайға байланысты елдің ішкі істер министрі Джеральд Дарманен оқиға орнына аттанды.

Ла-Манш пен Пас-де-Кале арқылы өтуге әрекеттенген заңсыз мигранттардың саны үнемі өсіп келеді. Аймақ теңіз префектурасының мәліметі бойынша, биыл 1 қаңтар мен 31 тамыз аралығында Франция жағалауынан Ұлыбританияға теңіз арқылы жетуге 15,4 мың заңсыз мигрант әрекеттенген.


Иллюстрациялық сурет
Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT