Қызылордада жолда қалып қойған жолаушылар құтқарылды

None
None
ҚЫЗЫЛОРДА. ҚазАқпарат - Қызылорда облысында құтқарушылар көліктері бұзылып, жолда қалып қойған жолаушыларға көмек көрсетті, деп хабарлайды ҚазАқпарат тілшісі.

Жолаушылар «Шымкент-Самара» тас жолының 836 шақырымында жолда қалып қойған. Олар мінген «ГАЗель» автокөлігінің қозғалтқыш бөлігі істен шыққан.

«Бұл жөнінде Арал ауданы №3 мамандандырылған өрт сөндіру бөлімінің байланыс бекетіне хабарлама түсті. Оқиға орнына өрт сөндіру қызметінің құтқару жасағы Қамыстыбас елді мекенінің бөлімшесінен 2 маман, 1 техника жедел жетті. Нәтижесінде құтқарушылар күшімен 3 адам Қамыстыбас елді мекеніндегі құтқару бөлімшесіне жеткізілді», - деп мәлім етті Қызылорда облыстық Төтенше жағдайлар департаменті Өрт сөндіру және авариялық құтқару қызметінің баспасөз хатшысы Әсия Ережепова.

Соңғы жаңалықтар