Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Қызылордада жастар ресурстық орталығы ашылды

2019 жылғы 7 мамыр 02:36 595
Бөлісіңіз:
Қызылордада жастар ресурстық орталығы ашылды

ҚЫЗЫЛОРДА. ҚазАқпарат - Қызылордада жастар орталығы ашылды. Орталық Сырдарияның жаңа аумағы - дарияның сол жағалауында бой көтерді, деп хабарлайды ҚазАқпарат тілшісі.

Ұқсас жаңалықтар
Өскеменде жастар арасында үздік зауыт қызметкері анықталды Студенттер жоғары шәкіртақыны қандай жағдайда алады

Аталмыш салтанатты шараға Қызылорда облысының әкімі Қырымбек Көшербаев қатысты. Облыс басшысы жергілікті жастарды заманауи ресурстық орталықтың ашылуымен құттықтады.

«Аға ұрпақтың ізгі ісі - жастарға жағдай жасау. Биылдың өзінде аймақта мемлекеттік жастар саясатын жүзеге асыруға 500 млн теңгеден астам қаржы бөлінген. ҚР Тұңғыш Президенті - Елбасы  Н.Назарбаевтың Қазақстан халқына Жолдауында биылғы жылды Жастар жылы деп жариялағаны белгілі. Осыған орай қосымша қаралған 70 млн теңге қаржыға жаңа бастамалар бірінші кезекте қолдау тапты», - деді аймақ басшысы.


Қызылордада жастар ресурстық орталығы ашылдыАйта кетейік, аймақ басшысының тапсырмасымен ресурстық орталық тәулік бойы жұмыс істейді. Жастар орталығы ғимараты бизнестің әлеуметтік жауапкершілігі негізінде «ҚазГермұнай» біріккен кәсіпорны» ЖШС демеушілік қолдауымен пайдалануға беріліп отыр. Жастар орталығында IT-park, антикафе, интернет, кітапхана, жаттығу залы қарастырылған және тәулік бойы жұмыс істейтін болады.

Соңғы бес жылда Сыр өңірінде жастар арасындағы жұмыссыздық деңгейі тұрақты төмендеді. Экономикалық белсенді жастардың саны артты. Қазіргі таңда 510 түлек Ресей үкіметінің грантымен Мәскеу мен Санкт-Петербург қалаларындағы инженерлік жоғарғы оқу орындарында білім алуда. Ал 900-ге жуық дарынды ауыл балалары облыс әкімінің арнайы грантымен республиканың жоғары оқу орындарында аймаққа қажетті мамандықтарды игеруде. 


Қызылордада жастар ресурстық орталығы ашылды

 

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT