Қызылордада тұрғынның 2 млн теңгесін иемденіп кеткен алаяқ ұсталды

None
None
ҚЫЗЫЛОРДА. ҚазАқпарат - Қызылордада жергілікті тұрғынға үйдің баспалдағын жасап беремін деп 2 миллион теңгені алған күдікті ұсталды, деп хабарлайды ҚазАқпарат тілшісі.

Облыс орталығының тұрғыны үй иесіне «үйдің баспалдағын жасап беремін» деген желеумен сеніміне кіріп, 2 миллион теңгеден астам ақшасын алған. Бұл оқиға былтыр болса да келісілген уәде орындалмаған.

Үй иесі аталған мәселемен полицияға жүгінді. Шағым бойынша облыстық полиция департаментінің қызметкерлері күдіктіні ұстады. Ол кінәсін мойындап, оған қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды.

ҚР Қылмыстық кодексінің 190-бабының 1-бөлігімен сотқа дейінгі тергеп-тексеру амалдары жүргізіліп жатыр. Онда алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену жағдайы көрсетілген.


Соңғы жаңалықтар