USD 436.29 EUR 492.83
RUB 5.92 CNY 68.48
Jańalyqtar

Қызылордада тағы бір ауыл табиғи газ құбырына қосылды

2021 жылғы 26 қазан 01:02
Бөлісіңіз:
Қызылордада тағы бір ауыл табиғи газ құбырына қосылды

ҚЫЗЫЛОРДА. ҚазАқпарат - Қызылорда облысы Шиелі ауданына қарасты Нартай Бекежанов ауылы табиғи газ құбырына қосылды, деп хабарлайды ҚазАқпарат тілшісі.

Ұқсас жаңалықтар
Кәсіпорындар қуатын сақтай отырып, атмосфераға шығатын ластаушы заттар азайтылады – Энергетика министрлігі Қостанай облысында электр энергиясының тарифі өсуі мүмкін Алматыдағы ЖЭО-2-ні газға ауыстыру қашан аяқталады

Қызылорда облысы елді мекендерін газбен қамтуда «Бейнеу-Бозой-Шымкент» магистралды газ құбырының пайдасы тиіп отыр.

Ауданда бүгінге дейін Шиелі кенті мен Байтерек, Жаңатұрмыс, Бидайкөл ауылдық округтері «көгілдір отынға» қосылған. Енді олардың қатарына Нартай Бекжанов елді мекені де қосылып отыр. Ауылда тұратын 540 үйге осылайша газдың игілігін көретін болады. Ал желтоқсан айында олардың қатарын Қодаманов ауылындағы 525 үй толықтырады. Нәтижесінде аудан тұрғындарының 65 пайызы газбен қамтылады.

«Бұл жобаға өңірлерді дамытудың 2025 жылға дейінгі бағдарламасы аясында құны 374,6 млн.теңге қаражат қаралған. Жоспар бойынша 540 үй табиғи газға қосылады. Құрылыс жұмысын бас мердігер «Транс Азия Констракшн» компаниясы жүргізді», - деді аудан әкімі Нариман Мақұлбеков.

Бұл бағыттағы жұмыстар алдағы уақытта жалғасын табады. Облыс әкімінің қолдауымен «Жол картасы» бағдарламасы аясында Ақмая және Алғабас ауылдық округтеріне газ құбырын жүргізіу үшін 745 млн.теңге қаралған. Құрылыс жұмыстары жақын арада басталады. Мұнан бөлек Бестам, Ақтоған, Жиделіарық, Еңбекші Алмалы, Телкөл елдімекендерін газдандыруға қажетті құжаттар әзірленді. Бүгінде 4 елді мекеннің мемлекеттік сараптама қорытындысы алынса, 2 елді мекеннің құжаты сараптамаға тапсырылды.

Еске салсақ, облыста газдандыру жұмыстары қарқынды жүруде. Негізгі үлес 65 пайызға жетті. Биыл Тереңөзек, Жосалы мен Жалағаш кенттері секілді аудан орталықтары газдандырылған. Жыл соңына дейін облыста газбен жабдықтау үлесін 67,4 пайызға дейін жеткізу жоспарланып отыр.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT