+7 (701) 759 90 19 Лента
USD 385.16 EUR 425.95
RUB 6.01 CNY 54.51
Jańalyqtar

Қызылордада студенттерді жатақханамен қамту мәселесі талқыланды

2019 жылғы 30 сәуір 16:58
Бөлісіңіз:
Қызылордада студенттерді жатақханамен қамту мәселесі талқыланды

ҚЫЗЫЛОРДА. ҚазАқпарат - Қызылордада «Президенттің бес әлеуметтік бастамасын» бақылау жөніндегі облыстық қоғамдық кеңестің кезекті отырысы өтті, деп хабарлайды ҚазАқпарат тілшісі.

Достық үйінде өткен жиында «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» бағытындағы үшінші бастаманың аймақта орындалу барысы талқыланды. Оған тиісті жергілікті басқарушы орган өкілдері, аймақтағы жоғарғы және орта арнаулы оқу орындары жетекшілері, партия белсенділері, Үкіметтік емес ұйымдар мен қоғамдық бірлестіктердің басшылары, белсенді жастар мен БАҚ өкілдері қатысты. Аталмыш шараны «Nur Otan» партиясы облыстық филиалы ұйымдастырды.

«Соңғы екі жылда Сыр өңірінде облыс әкімдігінің қолдауымен 6 колледждің оқу ғимараты, оқу-өндірістік шеберханалары мен жатақханаларына күрделі, ағымдағы жөндеу жұмыстары жүргізілді. Биыл жергілікті бюджет қаржысы есебінен 429 млн теңгеге Қармақшы ауданындағы аграрлы-техникалық колледждің жатақханасына күрделі жөндеу жүргізілмек. Жалпы жатақханаға қажеттілік 1375 орынды ғана құрап отыр», - деді облыстық білім басқармасының бастығы Майра Мелдебекова.

Қазіргі таңда облыста 10772 студент білім алып отырған 3 жоғары оқу орны, 20985 студенті бар 29 колледж жұмыс істейді. Солардың ішінде 11 колледждің студенттеріне барлығы 1375 орынды қамтитын және Қызылорда медициналық жоғары колледжіне қосымша 1 жатақханаға қажеттілік туындап отыр.

null

«Былтыр 1-жартыжылдықта 4 техникалық және кәсіптік білім беру, 11 жалпы орта білім беру және 5 мектепке дейінгі білім беру ұйымдарына ішінара тексеру жүргізілген. Тексеру қорытындысымен барлық 20 білім беру ұйымына әкімшілік іс қозғалып, әкімшілік айыппұлдар салынды. Сонымен қатар, аталған білім ұйымдарының қорытынды актілеріндегі мәліметтер ұлттық білім беру деректер қорына енгізілген мәліметтермен сәйкестендірілді», - деді облыстық білім саласындағы бақылау департаментінің басшысы Ерлан Қарабалаев.

Айта кету керек, Елбасының бес әлеуметтік бастамасы аясында жыл сайын бөлінетін 54 мың грантқа қосымша 2018-2019 оқу жылында тағы 20 мың грант бөлінді. Оның 11 мыңы техникалық мамандықтар бойынша бакалаврлық білім беруге тиесілі. Бұл төртінші өнеркәсіптік революция жағдайындағы жаңа экономикада зор сұранысқа ие болатын сан мың жаңа маманды даярлауға мүмкіндік беруде. Атап айтар болсақ, инженерлер, ақпараттық технология, робот техникасы, нанотехнология саласына қажетті мамандар даярланатын болады. Бұл жастарға жасалып отырған мемлекет қамқорлығының айқын көрінісі.

Сонымен бірге, техникалық және ауыл шаруашылығы мамандықтары бойынша барлық жоғары оқу орындары гранттарының құны ұлттық жоғары оқу орындарының гранттары деңгейіне дейін көтерілді. Аталған шаралар орта мектеп түлектерін жоғары біліммен неғұрлым көбірек қамтуға мүмкіндік береді. Бұл бағытта аймақтағы жоғарғы және орта арнаулы оқу орындары жетекшілері де атқарылған жұмыстарды жан-жақты баяндап өтті.


null

Мәселен, Қорқыт ата атындағы Қызылорда мемелекеттік университеті ректорының міндетін атқарушы Бақытжан Әбдукаримовтың айтуынша Қорқыт Ата атындағы Қызылорда мемлекеттік университеті биыл «Өнімді инновацияларды ынталандыру» жобасының жеңімпазы атанып, 98,9 миллион теңгенің грантына ие болған. Университеттің білім беру қызметін 7 факультет және оларға қарасты 30 кафедра жүргізеді. Қазіргі таңда университетте жоғары білім беру - бакалавриатта 64 мамандық, жоғары оқу орнынан кейінгі білім беру бағытында 30 мамандық, докторантурада 9 мамандық бойынша мамандар даярланады.

«Жалпы 2018-2019 оқу жылы бойынша университеттің күндізгі бөлімінде 3345 студент білім алуда.Оның 607 гранттық негізде. Облыс әкімінің гранты бойынша 361 студент білім алуда. Облыс әкімінің гранты өңірдегі білім, экономика, мәдениет, электроэнергетика, ақпаратттық жүйелер және т.б. салаларын кадрлық әлеуетпен қамтамасыз ету мақсатында қажетті, сұранысқа ие мамандықтарға бөлініп отыр», - дейді Бақытжан Әбдукаримов.

Жиынды Кеңес төрағасы, И.Әбдікәрімов атындағы Қызылорда аграрлық-техникалық жоғары колледжі директоры Ибадулла Құттықожаев қорытындылады. Ол кеңес мүшелеріне 5 бастаманың әрбір бағытының орындалу барысын ұдайы бақылауда ұстап отыру қажеттігін назарға салды.

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT