+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Қызылордада полицейлер Алматыдағы автосалоннан ұрланған көлікті тапты

2020 жылғы 11 желтоқсан 10:48
Бөлісіңіз:
Қызылордада полицейлер Алматыдағы автосалоннан ұрланған көлікті тапты

ҚЫЗЫЛОРДА. ҚазАқпарат - Қызылордада полицейлер облыс аумағында Алматы қаласындағы автосалоннан көлікті айдап кеткен азаматты ұстады, деп хабарлайды ҚазАқпарат тілшісі.

Ұқсас жаңалықтар
Тимирязев ауданында ауыл тұрғындары құтырмаға қарсы екпе алып жатыр - СҚО Ақтауда автокөлік аударылып қалды Қарағанды облысында із-түзсіз жоғалған ер адамның көлігі табылды

Облыстық полиция департаментіне алматылық әріптестерінен белгісіз азаматтың Алматы қаласындағы автосалоннан құны 13 миллион теңге тұратын автокөлікті заңсыз иемденгені туралы ақпарат келіп түскен болатын. Бұл дерек бойынша ҚР Қылмыстық кодексінің 190-бабының 3-бөлігінің 1-тармағына сәйкес сотқа дейінгі тергеп-тексеру амалы басталған. Тергеу барысында аталған автокөліктің Қызылорда облысы аумағынан өтіп бара жатқандығы анықталды.

«Алматы қаласы Бостандық ауданы полиция басқармасы бұл іс бойынша Қызылорда облысы Полиция департаментіне дереу бағыт-бағдар берді. Сол бойынша қызылордалық полицейлер іздеу жұмыстарына кірісті. Патрульдік полиция ротасының қызметкерлері «Самара-Шымкент» тасжолының 1803 шақырымы тұсында орналасқан жол бойындағы сервистік қызмет көрсету кешенінің алдында көрсетілген сипаттамаға сәйкес келетін көлікті байқайды. Көлік жүргізушісі оны сатып алғандығын айтады. Алайда, полицейлер тексеру барысында көліктің ұрланғанына көз жеткізді», - деп мәлім етті Қызылорда облыстық полиция департаменті.

Бұл оқиға бойынша Қызылорда облысы полиция департаментінің Жергілікті полиция қызметі басқармасы патрульдік полиция ротасының қызмет инспекторлары - Мақсат Нарманов, Жомарт Байбол және Бек Дүйсенбаев қырағылық танытты.

Бұдан бұрын Қызылордада жер үйден ер адамның мәйіті табылып, күдіктілер ұсталған болатын.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT