Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Қызылордада оқушы жел генераторын жасап шығарды

2019 жылғы 18 қаңтар 17:05 557
Бөлісіңіз:
Қызылордада оқушы жел генераторын жасап шығарды

ҚЫЗЫЛОРДА. ҚазАқпарат - Қызылордалық оқушы Әлихан Шәкіман 3D модельдеу арқылы жел генераторының бірегей түрін жасап шығарды, деп хабарлайды ҚазАқпарат тілшісі.

Ұқсас жаңалықтар
Ғылымға қатысты нормативтік құқықтық актілердің жобасын талқылау аяқталды Мәскеуде «Ұлы Дала алтыны» көрмесі өтті

Әлихан Шәкіман Назарбаев Зияткерлік мектебінің 12 сыныбында оқиды.

Оның айтуынша, құрылғы конус тәрізді бейнеде жасалған. Сол арқылы жел энергиясын тиімді пайдалануға және атмосфераға бөлінетін зиянды заттарды азайтуға әбден болады.
Қызылордада оқушы жел генераторын жасап шығарды 

Сыр өңірінің климаттық жағдайы аталмыш жобаны жүзеге асыруға әбден қолайлы. Бұл аймақта жел жиі соғатыны белгілі. Аталмыш генератор жел энергиясын тиімді пайдалануға жол ашады. Сондай-ақ, атмосфераға бөлінетін зиянды заттарды азайтуға мүмкіндік береді.

«Аталмыш жоба бойынша екі жыл бойы ізденіс жасадым. Алғашқыда жобаның бірнеше нұсқасы болған еді. Олардың арасынан конус тәрізді нұсқасына тоқталдық. Оның себебі де бар. Осындай пішін арқылы генератормен жел ағынының күшін еселей аламыз», - деді Әлихан Шәкіман.

Генератор арқылы жел ағынының күшін еселеуге болады. Ауа ағынының бағыты қандай? Соны реттеу арқылы оны өңдеуге мүмкіндік бар. Сол арқылы электр энергиясын өндіруге жол ашылады.

Аталмыш құрылғының диаметрі 1,5, биіктігі 3 метрді құрайды. Оны темірпластик материалынан жасауға болады.

 

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT