Қызылордада мас әйел жасөспірімге күш қолданбақ болды

ҚЫЗЫЛОРДА. ҚазАқпарат - Қызылорда қаласындағы көп қабатты үйлердің бірінде жасөспірімнің сөмкесін тартып алмақ болған әйел қолға түсті, деп хабарлайды ҚазАқпарат тілшісі.

Бұл оқиға 16 мамырда кешкілік сағат 20:40-тар шамасында болды. Аталмыш оқиға бейнекамераға түсіп қалған. Онда әйел подьезге кірген жасөспірімнің сөмкесін тартып алуға әрекет жасайды. Дегенмен ол тәртіп сақшыларының қолына түсті.

«Аталмыш дерек бойынша ҚР Қылмыстық кодексінің 24-бабының 3 бөлігі және 191 бабының 1-бөлігімен қылмыстық іс қозғалды. Қазір сотқа дейінгі тергеу амалдары жүргізілуде», - деп мәлім етті Қызылорда облыстық полиция департаментінің баспасөз қызметі.