Қызылордада мал ұрлығымен айналысқан 37 қылмыстық топ қолға түсті
2022 жылғы 22 қыркүйек 07:39

Қызылордада мал ұрлығымен айналысқан 37 қылмыстық топ қолға түсті

ҚЫЗЫЛОРДА.ҚазАқпарат - Қызылорда облысында биыл мал ұрлығымен айналысқан 37 қылмыстық топ қолға түсті, деп хабарлайды ҚазАқпарат тілшісі.

Өңірде Биылғы жылдың 8 айында облыс көлемінде бөтен мүлік ұрлығының тіркелуі 6,8 пайызға төмендеді. Ұрлық және мал ұрлығын жасағаны үшін жалпы 304 адам қылмыстық жауапкершілікке тартылды. Осындай әрекетке бой алдырған 37 қылмыстық топ қолға түсті.

«Облыста мал ұрлығы Сырдария, Жалағаш, Жаңақорған аудандарында жиі тіркеледі. Есепті мерзімде тіркелген 104 мал ұрлығының 24-і қорадан ұрланса, қалған 80-і (77 пайыз) қараусыз, бақташысыз жүріп өрістен қолды болған. Ал, учаскелік полиция инспекторлары тарапынан қараусыз жүрген мал иелеріне қатысты 1439, ветеринария қызметінің тиісті құжатынсыз мал тасымалдаған 53 адамға әкімшілік шара көрілді», - деді Қызылорда облыстық полиция департаментінің бастығы Мұхтар Қожабаев облыс әкімдігінде өткен ведомствоаралық комиссияның кезекті отырысында.

Еске салсақ, бұдан бұрын Қызылордада кісі өлтіргені үшін халықаралық іздеуде жүрген күдікті қолға түсті.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT