Қызылордада күріштің жаңа сорттары саудаға шықпақ

ҚЫЗЫЛОРДА. ҚазАқпарат - Алдағы 3-4 жылдың көлемінде Қызылорда облысында жаңадан шығарылған күріш сорттары жалпы егістің 60-70 пайызын құрайтын болады, деп хабарлайды ҚазАқпарат тілшісі.

Бүгінде Сыр өңірінде «Сыр сұлуы», «Ай-Керім» сорттары мемлекеттік сынақтан өткізілді. Соның нәтижесінде күріштің жаңа түрлерін шығару қолға алына бастады.

«Бұл сорттар аймақтың топырақ-климаттық жағдайына толықтай бейімделген. Сонымен қатар, өнім түзгіштігімен және дәндерінің ірілігі, шынылығымен ерекшеленеді. Сондықтан олардың өз нәтижесін беретінін уақыты келді», - деді Ы.Жақаев атындағы Қазақ күріш шаруашылығы ғылыми-зерттеу институтының бас директоры Серікбай Өмірзақов.

Сондай-ақ, жергілікті ғалымдар арпа, бидай, жоңышқаның бірнеше сорттарын ойлап тапты.