Қызылордада көшеде адасып кеткен 4 жасар бала табылды
2021 жылғы 8 қыркүйек 03:02

Қызылордада көшеде адасып кеткен 4 жасар бала табылды

ҚЫЗЫЛОРДА. ҚазАқпарат - Қызылордада қала көшесінде адасып жүрген 4 жасар бала ата-анасына аман-есен табысталды, деп хабарлайды ҚазАқпарат тілшісі.

Оқиға бүгін, 7 қыркүйекте Қызылорда қаласы Төле би көшесінде болды. Таңертеңгі сағат 10:30-11:00 шамасында 4 жасар Әділ есімді бүлдіршін табылған.

Бала ата-анасының есімдері Мақсат, Қалдыгүл екенін айтқан.

«Нәтижесінде бүлдіршіннің ата-анасы, туған-туысқандарына іздестірілді. Біршама уақыттан кейін оның ата-анасы табылды», – деп мәлім етті қалалық полиция басқармасы.

Еске салсақ, бұдан бұрын Қызылордада із-түзсіз кеткен жасөспірім қыз 2 күннен кейін табылды.

Сондай-ақ, Қызылордада Сырдария жағалауына жете алмай қалған жасөспірім құтқарылды .



Jańalyqtar

MURAǴAT