+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Қызылордада коронавирустың алдын алу бағытында тиісті іс-шаралар қолға алынды

2020 жылғы 25 қаңтар 14:51
Бөлісіңіз:
Қызылордада коронавирустың алдын алу бағытында тиісті іс-шаралар қолға алынды

ҚЫЗЫЛОРДА. ҚазАқпарат - Қызылорда облысында коронавирустың алдын алу бағытында тиісті іс-шаралар жасалуда, деп хабарлайды ҚазАқпарат тілшісі.

Ұқсас жаңалықтар
Теңіз кенішінде COVID-19 вирусын жұқтырған адаммен байланыста болғандар анықталды Шымкентте коронавирус жұқтырғандардың қатарында 13 жастағы жасөспірім бар Қызылорда облысында коронавирус жұқтырған 9 адамның барлығы Шиелі ауданынан

Сыр өңірінде бұл бағытта қажетті іс-шара жоспары жасалған. Қытайдан Қызылорда қаласына тікелей қатынайтын әуе рейстері жоқ. Дегенмен Қызылорда облысында Қытай азаматтары еңбек ететін компаниялар бар. Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті мамандары аталған компаниялар мен көші-қон саласы бойынша тиісті органдарға осы мақсатта арнайы хат жолдады. Онда сақтық шараларын күшейту мәселесі жан-жақты айтылған.

Қызылордадан Қазақстан-Қытай шекарасындағы «Қорғас» сауда орталығына қатынайтын жолаушылар да аз емес. Департамент мамандары оларды тасымалдайтын автобус иелеріне де сақтық шараларын сақтауға назар аударуды сұрайды. Сондай-ақ, департамент мамандары тарапынан ұшақтар экипажының құрамы, жолаушылар пойыздарының жолсеріктері, шекара және кеден қызметкерлері де тыс қалған жоқ. Олардың барлығына тиісті түсіндірме жұмыстары жасалды.

«Біз кейбір компаниялардан Қытайға іссапарға шығу туралы жоспарын шектей тұруды сұраймыз. Ол жақтан келген азаматтар болса бізге ақпарат беруге өтініш білдіреміз. Оларды дер кезінде есепке алып, медициналық бақылау жүргізуді назарда ұстаймыз. Осы мақсатта тиісті орындар мен компанияларға қатынас хаттар жолданды. Департамент тепловизормен қашықтықта дене қызуын өлшеу мүмкіндігі бар арнайы құралмен қамтамасыз етілген. Бұл бағытта әуежайда жұмыстар жүргізіп жатырмыз», - деді Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы Әлия Ыдырысова.


Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT