Қызылордада Конституция күні аталып өтті

ҚЫЗЫЛОРДА. ҚазАқпарат - Бүгін Қызылордада ҚР Конституциясы күніне арналған «Заң - замана зердесі» атты салтанатты шара  өтті. Бұл туралы ҚазАқпарат тілшісі хабарлады.

Оған облыс әкімі Қырымбек Көшербаев, мәслихат депутаттары, ардагерлер мен қала тұрғындары қатысты. 
 

- 1995 жылы Конституцияны бірауыздан қолдап, Ұлт көшбасшысы Н.Ә.Назарбаевтың сарабдал саясаты мен ерік-жігерінің арқасында бейбітшілік пен келісімде өмір сүріп келе жатырмыз. Сонымен қатар, біз өзіміз бен келешек ұрпағымыздың жарқын болашағын құрдық. Сондықтан Конституцияға құрметпен қарау, оның ережелерін орындау және іргелі заңның хатын және рухын ұстану - біздің еліміздің әрбір азаматының тікелей міндеті,- деді Қ.Көшербаев.

Мерекелік шара  өнерпаздардың   концерттік бағдарламасына  ұласты.