+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Қызылордада қайтыс болған адамдардың атына қару тіркелген

2018 жылғы 14 қазан 17:52
Бөлісіңіз:
Қызылордада қайтыс болған адамдардың атына қару тіркелген

ҚЫЗЫЛОРДА. ҚазАқпарат - Қызылорда облыстық прокуратурасы қару-жарақтар саласына тексеру жүргізіп, 28 марқұмның атына қару тіркелгенін анықтады, деп хабарлайды ҚазАқпарат тілшісі облыстық прокуратураға сілтеме жасап.

Тексеру барысында өңірлік ішкі істер органдарының бақылау-қадағалау және лицензиялау, рұқсат беру қызметі тиісті деңгейде жүзеге асыырылмай келгені анықталды.

Облыста 8 165 тұрғынның атына 10 442 азаматтық қару тіркелген. Ал 307 азаматта 346 ойық ұңғылы қару бар. Тексеру барысында қару тіркелген 15 адамның психо-неврологиялық және наркологиялық диспенсерлердің есебінде тұрғаны, 8 азамат сотталғаны белгілі болды. Бұдан басқа, қайтыс болған 28 тұрғынның атында қару тіркелген.

«Көрсетілген деректер бойынша қаруды сақтау және алып жүру рұқсаттарының күшін тоқтату жөнінде шаралар қолданылмаған. Бұл ҚР «Жекелеген қару түрлерінің айналымына мемлекеттік бақылау жасау туралы» заңына қайшы. Қаруды сақтау, қолдану және оны қайта тіркеу талаптарын бұзған 350-ден астам қару иелеріне емтиханды қайта тапсыру секілді шаралар қолданылмаған. Сондай-ақ, 639 азаматтық қару иелерінің тұрғылықты жерлерін анықтау жұмыстары өз деңгейінде жүргізілмеген.

Ішкі істер органдары жүргізген қаруды өз еркімен тапсыру науқаны барысында бірнеше рет атыс қаруын өткізген 27 азаматқа қатысты анықтау шаралары ұйымдастырылмаған», - делінген облыстық прокуратураның хабарламасында.

Анықталған кемшіліктер ведомствоаралық жедел мәжілісте қаралды. Өңірлік құқық қорғау органдарына жоғарыдағы кемшіліктерді жою бойынша тиісті шараларды қабылдау туралы нақты нұсқаулар берілді. Сондайақ, прокурордың ұсынуы негізінде 9 лауазымды тұлға түрлі тәртіптік жауаптылыққа тартылды.

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT