+7 (701) 759 90 19
USD 426.14 EUR 517.08
RUB 5.74 CNY 66.17
Jańalyqtar

Қызылордада карантин талабын бұзғандарға 11 млн теңге айыппұл салынды

2021 жылғы 13 сәуір 23:47
Бөлісіңіз:
Қызылордада карантин талабын бұзғандарға 11 млн теңге айыппұл салынды

ҚЫЗЫЛОРДА. ҚазАқпарат - Қызылордада карантин талабын бұзу дерегінің басым бөлігі Қызылорда қаласында тіркелген, деп хабарлайды ҚазАқпарат тілшісі.

Өңірде карантиндік шектеу шаралары белгіленген. Дегенмен аталған талап тұрғындар тарапынан толықтай орындала бермейді. Карантин талаптарының сақталуы мониторингтік топтардың тұрақты бақылауында. Жыл басынан бері 45 мониторингтік топтың рейдтік тексерісі арқылы 1904 нысан қамтылды. Нәтижесінде 137 карантин талаптарын бұзушылық анықталған. Оларға жалпы сомасы 11 576 735 теңгеге әкімшілік айыппұл салынды.

Анықталған бұзушылықтардың басым бөлігі Қызылорда қаласының үлесіне тиеді, мұнда осындай 45 жағдай болған. Одан кейінгі орындардағы Қармақшыда - 28, Аралда - 18 карантин талабын бұзу тіркелген.

«Карантин талаптарының көпшілгі халыққа қызмет көрсету орындарында болады. Әсіресе, ол қоғамдық тамақтану орындарында тіркелуде. Бүгінгі күні 74 карантин талабын бұзушылық сол нысандарының үлесінде. Атап айтқанда, кейбір орындарда персонал келушілерге жеке қорғаныш құралынсыз қызмет көрсеткен, караокелер мен кальяндар жұмыс жасаған. Ғимараттың толымдылығы 30 пайыздан аспауы қажет болса да, келушілердің санына шектеу қойылмаған. Қызметіне тыйым салынса да компьютерлік клубтар жұмыс жасаған. Кей нысандар өздерінің ашылуына орай тегін тамақ таратып, адамдардың жаппай жиналып, карантин талаптарының сақталмауына себепші болған», - деп мәлім етті облыстық санитариялық-эпидемиологиялық бақылау департаментінен.

Қазір өңірде халық тарапынан ұлттық дәстүрдегі той-жиындарды тек демалыс күндері емес, сонымен қатар жұмыс күндері де жиі ұйымдастыратыны анықталды. Сондықтан жұмысшы топ жұмыс күндері де жеке тұрғын үйлер мен мейрамханаларға, жалға берілетін коттедждерге жүргізілетін рейдтік шараларды күшейтіп отыр.

Айта кеетйік, Қызылордада көп адам жиналған той өткізу тыйылар емес.



Біздің каналымызға жазылыңыз:

Бөлісіңіз:

Автор:

Әділжан Үмбет

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT