+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Қызылордада «Гарант 24 Ломбардына» қатысты қылмыстық іс қозғалды

2020 жылғы 22 ақпан 19:47
Бөлісіңіз:
Қызылордада «Гарант 24 Ломбардына» қатысты қылмыстық іс қозғалды

ҚЫЗЫЛОРДА. ҚазАқпарат - Қызылорда облысы Полиция департаментінің Тергеу басқармасы «Гарант 24 Ломбардының» қылмыстық әрекеттеріне қатысты зардап шеккендерді іздестіруде, деп хабарлайды ҚазАқпарат Polisia.kz-ке сілтеме жасап.

Қазіргі таңда Қызылорда облысы Полиция департаментінің Тергеу басқармасымен Қазақстан Республикасының Қылмыстық кодексінің 217-бабының 2-бөлігімен (қаржылық (инвестициялық) пирамиданы құру және оған басшылық ету) қаржылық пирамиданы құру дерегі бойынша қылмыстық іс тергелуде. Бүгінгі күні 70-тен аса тұрғын полицияға шағымданды, келтірілген материалдық шығын көлемі есептелуде. Қазіргі таңда қылмыстық іс бойынша жедел-тергеу тобы құрылып, әрбір арыз бойынша жан-жақты тексеру жұмыстары жүргізілетін болады.

«Қала тұрғындарынан сабырлық сақтауды сұраймыз. Егер Сіздерге «Гарант 24 Ломбард» ЖШС-нің қылмыстық әрекеттерімен шығын келтірілген болса, жәбірленуші және азаматтық талапкер ретінде тану үшін Қызылорда қаласы, Қорқыт ата көшесі №18 мекенжайы бойынша Қызылорда облысының Полиция департаментіне келулеріңізді немесе 29-50-46, 29-50-25, 29-75-20 телефон нөмірлеріне хабарласуларыңызды сұраймыз», -делінген хабарламада.

Қазақстан Республикасының Қылмыстық-процестік кодексінің 201-бабының (Сотқа дейінгі тергеп-тексеру деректерiн жария етуге жол бермеу) талаптарына сәйкес тергеу құпиялығына байланысты қылмыстық іс бойынша нақты мәліметтер жария етуге жатпайды.
Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT