Қызылордада елсіз далада адасып кеткен екі адам табылды
2022 жылғы 12 тамыз 02:34

Қызылордада елсіз далада адасып кеткен екі адам табылды

ҚЫЗЫЛОРДА. ҚазАқпарат – Қызылорда облысында құтқарушылар көлікпен елсіз далада адасып кеткен егде жастағы екі адамды аман-есен тапты, деп хабарлайды ҚазАқпарат тілшісі.

Оқиға Арал ауданындағы Кіші теңізге баратын аумақта болған. Сол аумаққа бет алған жеңіл автокөлік бұзылып, екі адам жолда қалып қойған. Бұл жөнінде Арал ауданы №3 мамандандырылған өрт сөндіру бөлімінің байланыс бекетіне хабарлама түскен.

«Хабарлама арқылы «Лада-2104» маркалы автокөлікпен кетіп бара жатқан Нұр-Сұлтан қаласының 1951 жылғы және Арал ауданының 1940 жылғы тұрғыны айдалада қалып қойғаны анықталды. Хабарлама бойынша Арал ауданының төтенше жағдайлар бөлімінен 1 қызметкер және өрт сөндіру бөлімінен 2 қызметкер «SsangYong» қызметтік автокөлікпен іздестіру шарасына шықты. Іздестіру жұмыстары нәтижесінде жоғалған азаматтар Арал ауданының орталығынан шамамен 40 шақырым жерден аман-есен табылды», - деп мәлім етті Арал аудандық төтенше жағдайлар бөлімінен.

Еске салсақ, бұдан бұрын Қызылордада мал іздеуге шыққан қарияның денесі арықтан табылды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT